"სიმონიშვილის სამსახური მილიონებს განკარგავს, მათ შორის დევნილების ბინების მშენებლობას, იმ დევნილების, რომლებმაც მსვლელობა მოაწყვეს და მერამდენედ მოატყუეს" - ვახო სანაია

ჟურნალისტი ვახო სანაია, სოციალურ ქსელ ფეისბუკში დევნილების მიერ ჯანდაცვის სამინისტრომდე დღევანდელ საპროტესტო მსვლელობას ეხმაურება და წერს:

"ცოტა შორიდან დავიწყებ.

ტიკარაძის ჩამოშორების შემდეგ თანამდებობებიდან გადადგომა მოუწიათ მის მოადგილე გიორგი წოწკოლაურსა და ამავე უწყების დევნილთა სააგენტოს უფროს ბესარიონ სიმონიშვილს.

პირველი 3 იანვარს წავიდა, მეორე - დღეს.

სიმონიშვილის სამსახური მილიონებს განკარგავს, მათ შორის დევნილების ბინების მშენებლობას.

ამ ფულის კონტროლი ახლა ღარიბაშვილის ხელში გადავა.

შეგახსენებთ, რომ ჯანდაცვის სამინისტროს ყველა დიდი დაფინანსება აქვს.

ტიკარაძის შემცვლელად, ივანიშვილის თანხმობით, თავდაცვის მინისტრის მოადგილე გადაიყვანეს. ღარიბაშვილის კადრი.

ეს ხალხი იმიტომ კი არ მოხსნეს, რის გამოც რეალურად მართლა მოსახსნელები იყვნენ - ხალხის პრობლემებს არ აგვარებდნენ და ღმერთმა იცის, მოსახლეობის ფული როგორ იხარჯებოდა, არამედ იმიტომ ჩამოაშორეს თანამდებობებს, რომ ფული ღარიბაშვილის ხელში უნდა გადავიდეს და ამისთვის ამ ადგილებზე მისი კადრები სჭირდება.

რატომ დავიწყე ასე შორიდან.

არჩევნების წინ ეს ორი პირი - წოწკოლაური და სიმონიშვილი - დევნილების ავარიულ კორპუსთან მივიდნენ.

ადგილზე მაჟორიტარ მიხეილ ყაველაშვილთან ერთად იმყოფებოდნენ.

ეტყობა იფიქრეს, რომ ყაველაშვილს ასე უფრო გაუადვილდებოდა კომუნიკაცია და დასახმარებლად გააყოლეს ეს ორი.

ეს ის დევნილები არიან, რომლებიც ახლა ჯანდაცვის სამინისტროსთან აქციას მართავენ.

უწყებასთან ხალხი თემქიდან ამხელა გზაზე საპროტესტო მსვლელობით მივიდა.

დევნილებს კორპუსი თავზე ენგრევათ.

დიდი ხანია დახმარებას ითხოვენ.

არჩევნების წინ დაპირებას აძლევენ ხოლმე, არჩევნების შემდეგ კი, როგორც ხდება, ივიწყებენ.

ერთი სიტყვით, მერამდენედ მოატყუეს", - წერს სანაია.

სანატორიუმ „ქართლში“ შესახლებულმა დევნილებმა ჯანდაცვის სამინისტროსთან დღეს საპროტესტო აქცია გამართეს. "ღირსეული პირობები დევნილებს!", "30 წელია ვიცდით. როდემდე?", "აღასრულე კანონი", – ჰქონდათ მსგავსი შინაარსის ტრანსპარანტები აქციის მონაწილეებს.

ისინი შეუსაბამო საცხოვრებელ პირობებს აპროტესტებენ.

სხვა სიახლეები:

🔳 "რატომ ვერ აღწევს ომიკრონი ფილტვებამდე?" - მოლეკულური ბიოლოგის, ცოტნე ჯავახიშვილის განმარტება

🔳 ნანა გეგეჭკორი: ომიკრონით გამოწვეული კოვიდ -19 ნამდვილად არის ბევრად უფრო მსუბუქი და ნაკლებად სასიკვდილო დაავადება - აკონტროლეთ თქვენი ქრონიკული პრობლემები

🔳 "გუშინ ქუჩაში, დახლთან ასე დამხობილი და ჩაძინებული ვნახე ეს ადამიანი - განვითარებულ ქვეყნებში ამ ასაკის პენსიონერები მსოფლიოს გარშემო მოგზაურობენ ჭიქა შამპანურით ხელში" - რას წერს ბლოგერი დავით ჩუთლაშვილი