სიყვარული და სიკეთე - აი, რისი მოსწრება და კეთება ევალება ადამიანს ცხოვრებაში - პოეტი ია ნანეიშვილი გარდაიცვალა

პოეტი ია ნანეიშვილი 37 წლის ასაკში გარდაიცვალა. ის მძიმე სენს ებრძოდა და მისი ჯანმრთელობის მდგომარეობა ბოლო დღეებში განსაკუთრებით დამძიმდა.

მწერ­ალი ია კარგარეთელი სოციალურ ქსელში ემოციურ პოსტს აქვეყნებს:

„წავიდა ია...

ადამიანი, რომელიც მზესავით გვათბობდა თავისი კეთილი გულით.

როგორ მამხნევებდა, რამხელა სითბოს მჩუქნიდა (თუმცა მხოლოდ მე არა, ყველას გვჩუქნიდა, თავისი ყოველი სიტყვით) 

როგორ მტკივა გული...

ამდენ სიძულვილით და ღვარძლით სავსე ადამიანში (რაც ჩვენს სფეროში ასე მრავლადაა) ია ერთადერთი იყო, რომელსაც არავისი შურდა, მის გულში მხოლოდ იმედი, სიკეთე და სიყვარული იყო.  

ია, შენ დარჩი ჩემს გულში სამუდამო თბილ მოგონებად, ადამიანად, რომელიც ყველასგან განსხვავდებოდა თავისი უბრალოებით და თბილი გულით.

მადლობა "თეთრი ოცდაოთხი თვისთვის", წიგნისთვის, რომელიც ბოლოს მისახსოვრე და მადლობა ყველა იმ თბილი სიტყვისთვის, რაც ჩემთვის გითქვამს. 

"ჩვენ უნდა ვიცხოვროთ ისე, რომ თავადაც ბედნიერები ვიყოთ და სხვებსაც ბედნიერება მივანიჭოთ...

სიცოცხლე მხოლოდ სიკეთის კეთებაში უნდა გაიღოს ადამიანმა! სიყვარული და სიკეთე - აი, რისი მოსწრება და კეთება ევალება ადამიანს ცხოვრებაში, ბოროტი ადამიანი განწირულია...

ბოროტებით ნუ იცხოვრებთ ადამიანებო"!..

წერდა თავის წიგნში, და წერდა მაშინ, როდესაც სიკვდილს ებრძოდა, ეს ყველას როდის შეუძლია, ეს იამ შეძლო“.

წერს ია კარგარეთელი ფეისბუკის საკუთარ გვერდზე.

ასევე საინტერესოა:

🔵 მარტო ბიძინაზე კი არ იქნება ზეწოლა, თქვენც ვერ გადარჩებით, მის მოციქულებად ვინც მუშაობთ პარლამენტში - დავით ზურაბიშვილი

🔵 ბრალდებულები, ნაგავსაყრელიდან, სისტემატურად ახდენდნენ, გასანადგურებლად განკუთვნილი ხორცპროდუქტებისა და საკონდიტრო ნაწარმის რეალიზაციას - საგამოძიებო უწყება

🔵 ბოლო 24 საათში საქართველოში კორონავირუსით კიდევ 61 პაციენტი გარდაიცვალა