ტრაპიზონში მცხოვრებ საქართველოს მოქალაქეებს უფასო სამედიცინო გამოკვლევები ჩაუტარდათ

ქ. ტრაპიზონში საქართველოს გენერალური საკონსულოს ინიციატივითა და ორგანიზებით, ასევე კლინიკის „Medicalpark-Trabzon“ მხარდაჭერით, 2022 წლის 9 სექტემბერს, ტრაპიზონში მცხოვრებ საქართველოს მოქალაქეებს უფასო სამედიცინო გამოკვლევები ჩაუტარდათ.

გამოკვლევები მოიცავდა შინაგანი სნეულებების ექიმის კონსულტაციას, ფილტვების რენდგენოგრაფიას, მუცლის ღრუს ეხოსკოპიას, სისხლის საერთო ანალიზს, სისხლში ნატრიუმის, კალიუმის, შარდოვანას, კრეატინინის, შაქრისა და კალციუმის განსაზღვრას.

აქციის მხარდაჭერისთვის გენერალური საკონსულო განსაკუთრებულ მადლობას უხდის კლინიკის გენერალურ დირექტორს, აბდულაჰ ჯანთურქს, მის მოადგილეს, ჰულია ქუთოღლუს, მომსახურების მენეჯმენტის დირექტორს, ნიჰალ ფურუნჯუს, მის მოადგილეს, თუბა ერგუნ ბულბულოღლუს, საერთაშორისო განყოფილების უფროსს, გულსუმ აქათ დურმუშს, საერთაშორისო განყოფილების წარმომადგენელს, ლანა ყალაბეგაშვილს, ექიმ-რეაბილიტოლოგს, ნანა ძაგნიძეს, შინაგანი სნეულებების ექიმებს, რაჰმან ქოსეოღლუს და ეგემენ არიქანს, თარჯიმნებს, დილექ ალთუნსა და ინგა კახიძეს.

აღსანიშნავია, რომ მსგავსი აქცია ტრაპიზონის საკონსულო ოლქში საქართველოს მოქალაქეებთან მიმართებაში პირველად განხორციელდა, რომლის ფარგლებშიც საქართველოს მოქალაქეებს საშუალება მიეცათ უფასო სამედიცინო გამოკვლევები ჩაეტარებინათ.

გენერალური საკონსულოს ძალისხმევით, მსგავსი აქცია წლის ბოლომდე გაგრძელდება, რა დროსაც ტრაპიზონის ცნობილ კლინიკებში საქართველოს მოქალაქეები მაღალი დონის სამედიცინო მომსახურებას მიიღებენ.