ცესკო საარჩევნო უბნებზე ვიდეოგადაღებასთან დაკავშირებით გავრცელებულ ინფორმაციაზე: დაინტერესებული მხარეები კვლავ ცდილობენ მანიპულაციურად იმოქმედონ როგორც ამომრჩევლებზე, ისე საერთაშორისო პარტნიორებზე

საარჩევნო ადმინისტრაცია ტელეკომპანია „პირველის“ ეთერში გავრცელებულ ინფორმაციას ეხმიანება.
როგორც ცესკოს მიერ გავრცელებულ განცხადებაშია ნათქვამი, დაინტერესებული მხარეები ცდილობენ მანიპულაციურად იმოქმედონ როგორც ამომრჩევლებზე, ისე საერთაშორისო პარტნიორებზე.
აღნიშნულის საპასუხოდ, საზოგადოების ინფორმირების მიზნით, ცესკო საარჩევნო უბნებზე ვიდეოგადაღებასთან დაკავშირებით საკუთარ პოზიციას აფიქსირებს.
„საარჩევნო ადმინისტრაცია ტელეკომპანია „პირველის“ ეთერში გავრცელებულ მორიგ მანიპულაციურ ინფორმაციას ეხმიანება, რომელიც საარჩევნო ადმინისტრაციის დისკრედიტაციის მიზნით, უკვე ტრადიციული და კარგად ნაცნობი სქემით გრძელდება და რომლის კამპანიურობის ხელშეწყობა ზოგიერთი მიკერძოებული არასამთავრობო ორგანიზაციისა და პოლიტიკური პარტიის წარმომადგენლების მიერ განხორციელდა, რითაც დაინტერესებული მხარეები კვლავ ცდილობენ მანიპულაციურად იმოქმედონ როგორც ამომრჩევლებზე, ისე საერთაშორისო პარტნიორებზე.
აქვე შეგახსენებთ, რომ ეს არ არის ხსენებული ტელეკომპანიის მხრიდან მანიპულაციური ინფორმაციის გავრცელების პირველი შემთხვევა. საზოგადოებას შევახსენებთ, რომ ტელეკომპანიის ეთერში გასულ დეზინფორმაციულ რეპორტაჟებთან დაკავშირებით საარჩევნო ადმინისტრაციის მიმართვის საფუძველზე „ჟურნალისტური ეთიკის ქარტიამ“ არაერთ შემთხვევაში დაადგინა დარღვევა.
შესაბამისად, საზოგადოების ინფორმირების მიზნით, საარჩევნო უბნებზე ვიდეოგადაღებასთან დაკავშირებით ცესკო საკუთარ პოზიციას აფიქსირებს. მიუხედავად იმისა, რომ საარჩევნო უბნებზე ფოტო-ვიდეო გადაღება რეგულირდება და თითოეულ ჩართულ მხარეს - იქნება ეს პოლიტიკური სუბიექტი, მედია თუ დამკვირვებელი ორგანიზაცია, თანაბარი უფლება აქვს აწარმოოს გადაღება შესაბამისი წესის დაცვით, კონკრეტული დაინტერესებული პირები ცდილობენ საკითხის მანიპულაციურად წარმოჩენას. მათი კრიტიკის საგანი გახდა საარჩევნო უბნებზე მოქმედი კანონმდებლობის დაცვით დამონტაჟებული ვიდეოკამერები. მათი ვარაუდებითა თუ მტკიცებით, კამერების ტექნიკური მახასიათებლები ამომრჩევლის კონტროლის საშუალებას იძლეოდა და საარჩევნო ადმინისტრაციას ასეთი მონაცემების კამერების მუშაობა არ უნდა დაეშვა.
განსაკუთრებით საგანგაშოა ის გარემოება, რომ ზოგიერთი ის პირი თუ ორგანიზაცია, რომელიც დღეს ამ კანონიერ პრაქტიკას აკრიტიკებს, წარსულში არღვევდა კანონს და საარჩევნო უბანზე სპეციალურად გამოყოფილი ადგილის გარდა, სხვა სივრციდანაც ახორციელებდა გადაღებას/პირდაპირ ტრანსლირებას, მათ შორის, ამომრჩევლის ნების დაფიქსირებისას, რაც პირდაპირ არღვევდა როგორც პერსონალური მონაცემების დაცვის პრინციპებს, ასევე საარჩევნო კანონმდებლობას. სწორედ ამ დარღვევებზე რეაგირების საჭიროების გამო რამდენიმე კვირის წინ ცესკომ დადგენილებით დააზუსტა ვიდეოგადაღების საკითხები.
კიდევ ერთხელ, ხაზგასმით აღვნიშნავთ - ფოტო-ვიდეო გადაღება, რომელსაც უფლებამოსილი პირები საარჩევნო უბანზე სპეციალურად გამოყოფილი ადგილიდან აწარმოებდნენ, არის კანონმდებლობით ნებადართული ქმედება და ასეთ ქმედებაზე აჟიოტაჟი იმ პირთა მხრიდან, რომლებიც კანონით დადგენილი გადაღების წესის უხეში დარღვევით პირდაპირ ეთერში გადასცემდნენ ამომრჩევლის ხმის მიცემის პროცესს და ასაჯაროებდნენ მათი პერსონალური ინფორმაციის შემცველ დოკუმენტაციას, თავად ამ მხრივ კანონის დამრღვევნი დღეს ცდილობენ დარღვევა წარმოაჩინონ იქ, სადაც ის არ არის, რაც ცალსახად მანიპულაციაა და მიუღებელია საარჩევნო ადმინისტრაციისათვის.
ამ ფონზე განსაკუთრებით საყურადღებოა შერჩევითი კრიტიკა. იმის მტკიცება, თითქოს აღნიშნული კამერები გადაღებული მასალის ლაივ რეჟიმში გადაცემით ამომრჩევლის ნებაზე კონტროლის შესაძლებლობას იძლეოდა, არ ემყარება არანაირ ფაქტს და ვერ პასუხობს სამართლებრივ რეალობას - კანონმდებლობა არ განსაზღვრავს კამერის ტექნიკურ მახასიათებლებს და არ ანიჭებს საარჩევნო ადმინისტრაციას უფლებამოსილებას, ამ ნიშნით შეაფასოს და შეზღუდოს ვიდეოკამერის გამოყენება საარჩევნო უბანზე. ამდენად, ყველა უფლებამოსილ პირს კანონის შესაბამისად აქვს შესაძლებლობა საარჩევნო უბანზე სპეციალურად გამოყოფილი ადგილიდან აწარმოოს ფოტო-ვიდეო გადაღება.
დაინტერესებული მხარეები, ასევე, მანიპულაციურად იყენებენ იმ ფაქტს, რომ აღნიშნული კამერებით საარჩევნო ადმინისტრაციამ 2021 წლის არჩევნებზე ისარგებლა. გაუგებარია, რა კითხვის ნიშნებს შეიძლება ბადებდეს ეს საჯარო ფაქტი, რომელიც აღნიშნულ არჩევნებზე პროცესში გამჭვირვალობის სტანდარტის ამაღლებას ემსახურებოდა. საზოგადოებას გვინდა შევახსენოთ, რომ აღნიშნული ვიდეოკამერებით მიმდინარეობდა ხმის დათვლის პროცესის ვიდეოგადაღება, რის შემდეგაც ვიდეომასალა აიტვირთა გუგლ პლატფორმაზე და ხელმისაწვდომი იყო ყველა დაინტერესებული პირისთვის. მაშინ ეს საკითხი სადავო და პრობლემური არ გამხდარა არცერთი მხარისთვის.
ცესკო მკაფიოდ აფიქსირებს შემდეგს:
ფოტო-ვიდეო გადაღება საარჩევნო უბანზე არის დასაშვები მხოლოდ იმ პირობებში, რაც განსაზღვრულია კანონით
ცესკო ვალდებულია, იმოქმედოს მხოლოდ კანონით დადგენილი სტანდარტების საფუძველზე და არ ეყრდნობა რომელიმე სუბიექტის მანიპულაციას ან ტექნიკურ ვარაუდებს
ნებისმიერ შემთხვევაზე, რომელიც არღვევს საარჩევნო პროცესის წესრიგს ან ამომრჩევლის კონფიდენციალურობას, ცესკო ახდენს კანონით გათვალისწინებულ შესაბამის რეაგირებას
აღვნიშნავთ, რომ სამწუხაროდ, ზოგიერთი დაინტერესებული პირის მიერ გაცხადებული პოზიციები არა მხოლოდ არათანმიმდევრულია, არამედ ცხადად ადასტურებს პოლიტიკური დღის წესრიგით მოქმედების მოტივს, რის შედეგადაც ზიანდება საზოგადოებრივი ნდობა საარჩევნო პროცესის მიმართ. ცესკო მოუწოდებს ყველა მხარეს, თავი შეიკავოს დეზინფორმაციის გავრცელებისა და ადმინისტრაციის დისკრედიტაციის მცდელობისგან.
ჩვენ კვლავ გავაგრძელებთ კანონის უზენაესობის და გამჭვირვალე, სამართლიანი საარჩევნო პროცესის დაცვას როგორც მოქმედი კანონმდებლობით, ისე საერთაშორისო სტანდარტების შესაბამისად“, - ნათქვამია ცესკოს მიერ გავრცელებულ განცხადებაში.
1747847573
ახალი ამბები14 ივნისიდან სამგზავრო მატარებელი ერევანი-ბათუმი-ერევნის მიმართულებით იმოძრავებს
ერევანი - ბათუმი - ერევნის სამგზავრო მატარებელი 14 ივნისიდან განახლდება - აღნიშნული მატარებლის მიმოსვლის შესახებ სს „საქართველოს რკინიგზამ“ ხელი მოაწერა შეთანხმებას სს „სამხრეთკავკასიის რკინიგზასთან“...
1747846875
საზოგადოებაარჩილ გორდულაძე: ბალტიისპირეთის ქვეყნების ხელისუფლებები გასულები არიან თავიანთი სუვერენიტეტიდან. სამწუხაროდ, გარკვეული თანამდებობის პირები დაემსგავსნენ იმ ბოლშევიკებს, რომლებსაც 1990-იან წლებში ვუთხარით უარი
ბალტიისპირეთის ქვეყნების ხელისუფლებები საერთოდ გასულები არიან თავიანთი სუვერენიტეტიდან, დაკარგული აქვთ, - განუცხადა ჟურნალისტებს იურიდიულ საკითხთა საპარლამენტო კომიტეტის თავმჯდომარე არჩილ გორდულაძემ....
1747844850
საქართველომარკო რუბიომ საქართველოს შესახებ ჯო უილსონის კითხვას უპასუხა
აშშ-ის სახელმწიფო მდივანმა, მარკო რუბიომ საქართველოში განვითარებულ მოვლენებზე კონგრესმენ ჯო უილსონის მიერ დასმულ კითხვას უპასუხა. ჯო უილსონი: ტრამპის ადმინისტრაციის მადლობელი ვარ მტკიცე პოზიციის გამო...
1747844443
ახალი ამბებინათია თურნავა საერთაშორისო სავალუტო ფონდის მისიას შეხვდა
საქართველოს ეროვნული ბანკის პრეზიდენტი ნათია თურნავა საერთაშორისო სავალუტო ფონდის მისიას შეხვდა. ნათია თურნავამ მისიის წევრებს, ალეხანდრო ჰაჟდენბერგის ხელმძღვანელობით, ქვეყნის მონეტარული პოლიტიკის სა...
1747839344
საზოგადოება26 მაისის ღონისძიებების გამო თბილისში ავტოსატრანსპორტო მოძრაობა დროებით შეიზღუდება
თბილისში, 26 მაისს, საქართველოს დამოუკიდებლობის დღისადმი მიძღვნილი ღონისძიებების გამო, თავისუფლების მოედანსა და შოთა რუსთაველის გამზირზე ავტოსატრანსპორტო მოძრაობა შეიზღუდება. ინფორმაციას თბილისის მერი...