"წალენჯიხაში უახლოეს ხანში ვიყიდი ბინას და დავუდგები წალენჯიხის ახალ არჩეულ მერს გვერდით, რომ წალენჯიხა ვაქციოთ მართლა ოაზისად" - მამუკა ხაზარაძე

"გადმოვსახლდები წალენჯიხაში, უახლოეს ხანში ვიყიდი ბინას და დავუდგები წალენჯიხის ახალ არჩეულ მერს გვერდით, რომ წალენჯიხა ვაქციოთ მართლა ოაზისად", - ამის შესახებ "ლელოს" დამფუძნებელმა მამუკა ხაზარაძემ ზუგდიდში გაერთიანებული ოპოზიციის აქციაზე განაცხადა.

"მე უკვე ვაპირებდი ანაკლიაში გადმოსახლებას, მაგრამ არ დამცალდა, მე გადმოვსახლდები წალენჯიხაში, უახლოეს ხანში ვიყიდი ბინას, დავუდგები წალენჯიხის ახალ არჩეულ მერს გვერდით და მთელ გამოცდილებას მოვახმარ იმას, რომ წალენჯიხა ვაქციოთ მართლა ოაზისად.

ვისარგებლებ შემთხვევით და მოვუწოდებ ყველა ბიზნესმენს, გადმოიტანეთ თქვენი კომპანიების ანგარიშები და დატოვეთ მოგება წალენჯიხაში, ვაჩვენებთ, როგორ უნდა ნამდვილი დემოკრატია, ჩვენ ვაჩვენებთ, როგორ იმართება ნამდვილი თვითმმართველობა", - აღნიშნა აქციაზე სიტყვით გამოსვლისას მამუკა ხაზარაძემ.

ზუგდიდში გაერთიანებული ოპოზიცია და "ნაციონალური მოძრაობის" წარმომადგენლები საპროტესტო აქციას მართავენ. "არა გაყალბებას", "თავისუფლება საქართველოს მესამე პრეზიდენტს" –  ეს არის აქციის ლოზუნგი, რომელიც ქალაქის ცენტრში იმართება. აქციაზე შეკრებილები, საქართველოს მესამე პრეზიდენტის მიხეილ სააკაშვილის გათავისუფლებას ითხოვენ.

ასევე დაგაინტერესებთ:

🔵 "როგორც კი "ნაციონალური მოძრაობა" გაცდება კანონს, ყველა ინსტიტუცია კანონის შესაბამისად იმოქმედებს" - ანრი ოხანაშვილი

🔵  "ჩემი პოზიცია ყოფილი პრეზიდენტის შეწყალებაზე მყარი და უცვლელია, არა და არასოდეს" - სალომე ზურაბიშვილი

🔵 "ღმერთი ისე ნამდვილად არ მომკლავს, რომ ერთხელ, თავაწეულმა არ გავიარო გამარჯვებული ბათუმის ბულვარში" - მიხეილ სააკაშვილის წერილი ბათუმელებს