ვერაფრით ვიოკებ ცხოველურ სიძულვილს ყველა გაცხადებული და ფარული ანტივაქსერის, პროფესიონალი დეზინფორმატორებისა და ტლუსა და უბირის მიმართ - მარინე ჩიტაშვილი

ფსიქოლოგი მარინე ჩიტაშვილი, ფეისბუკის საკუთარ გვერდზე წერს, რომ მას და მის ოჯახს, კორონავირუსი დაუდასტურდა. მისივე ინფორმაციით, ვაქცინის წყალობით, მისი და მამამისის ჯანმრთელობის მდგომარეობა დამაკმაყოფილებელია, თუმცა ჩიტაშვილი მკაცრად აკრიტიკებს ანტივაქსერებს.

„ბევრი ვიფიქრე თუ ცოტა ვიფიქრე და კიდევ უფრო ბევრჯერ ჩავირტყი ხელში რომ არაფერი არ დამეწერა, მაინც ვერ გაუძელი და ვწერ.

უკვე მეცხრე დღეა სახლში კოვიდი ბუდობს, პირველი პსრ მხოლოდ მამას დაუდასტურდა და სამი დღის შემდეგ, მეორეჯერ პსრ, მე. მამა საავადმყოფოშია, მე სახლში. ორივეს არა გვიშავს ვაქცინის წყალობით და კიდევ უფრო მეტად სანათესაო-სამეგობრო და  რელაური სოციალური ქსელის მეშვეობით.

მე ვარ ცუდად და თან ძალიან. ვერაფრით ვიოკებ ცხოველურ სიძულვილს ყველა გაცხადებული და ფარული ანტივაქსერის, პროფესიონალი დეზინფორმატორებისა და ტლუსა და უბირის მიმართ, რომლებიც უარს ამბობენ აცრაზე.  პირველად ვერ ვაკონტროლებ სიბრაზეს და ეს სიძულვილი მთრგუნავს.

ამიტომ, არავისთან არ ვაპირებ დებატებში შესვლას, აქ თუ რეალურ სივრცეში სადაც გადაგეყრებით უბრალოდ ზურგს გაქცევთ და გაგეცლებით. რამდენიც გინდა იმდენი მიძახეთ უზრდელი. ნება თქვენია!!!

პ.ს. იმედი მაქვს რეალურ მეგობრებში ცოტანი აღმოჩნდებით ასეთები“,-წერს, ფეისბუკის საკუთარ გვერდზე პროფესორი.

ასევე დაგაინტერესებთ:

🔵კაცი, ერთ დღეში კორონავირუსზე 10-ჯერ აიცრა

🔵თურქეთში "ომიკრონის" პირველი შემთხვევა დაფიქსირდა

🔵ქალიშვილი არ ხარო და პირველივე ღამეს ქმარმა სახლიდან გამოაგდო… მიცვალებული დედის თხოვნით საქორწინო კაბით დაკრძალეს... - პეტრე კოლხი