"ვინც მას ბოროტების ჩადენას ავალებდა წარსულში, იმან დაიჭირა, რომ ამან არ მოყვეს ვისი ბრძანებით აკეთებდა ამ უკანონობას!"- გია ჭანტურია

"ვისაც გიხარიათ, რა გასახარია? ვინც ბოროტების ჩადენას ავალებდა წარსულში, იმან დაიჭირა, რომ ამან არ მოყვეს ვისი ბრძანებით აკეთებდა ამ უკანონობას!",- ასე ეხმაურება ჟურნალისტი გია ჭანტურია სოციალურ ქსელში სოსო გოგაშვილის დაკავებას.

"გოგაშვილი არ დაუჭერიათ იმის გამო, რომ როცა ბიძინას ემსახურებოდა ბევრი დააშავა,  ის დაიჭირეს იმიტომ, რომ ბიძინას აღარ ემონებოდა და  მისთვის საფრთხეს წარმოადგენდა!

მისი დაჭერის მიზანი, მისი გაჩუმებაა და არა სამართლიანობის აღდგენა,  მისი დაჭერის მოტივი, მხოლოდ პოლიტიკურია!  

ვისაც გიხარიათ : რაა გასახარიათ?  ვინც მას ბოროტების ჩადენას ავალებდა წარსულში,  იმან დაიჭირა, რომ ამან არ მოყვეს ვისი ბრძანებით აკეთებდა ამ უკანონობას!", - წერს ჭანტურია.

სახელმწიფო უსაფრთხოების სამსახურის უფროსის ყოფილი მოადგილე, სოსო გოგაშვილი სპეცოპერაციის შედეგად საკუთარ სახლში გვიან ღამით აიყვანეს.

ცნობისთვის, სოსო გოგაშვილმა გუშინ დაწერა, რომ არჩევნების გაყალბების მტკიცებულებები ჰქონდა, რომელიც "შესაბამის ორგანიზაციას" გადასცა. რამდენიმე დღის წინ კი გია გაჩეჩილაძემ (უცნობი) აუდიოჩანაწერი გაავრცელა, რომელიც მთავარი არხის ჟურნალისტების ფარული მიყურადებით იყო მოპოვებული. აღნიშნულ აუდიოჩანაწერში საუბარი იყო სოსო გოგაშვილზეც.

სოსო გოგაშვილმა ქართული ოცნება 2020 წლის ოქტომბერში დატოვა. ის სახელმწიფო უსაფრთხოების სამსახურის უფროსის მოადგილედ 2015-2018 წლებში მუშაობდა. 2014 წელს შსს-ს გენინსპექციის უფროსი იყო. გოგაშვილი ხელმძღვანელობდა პანკისის ხეობაში ჩატარებულ სპეცოპერაციას, რა დროსაც 19 წლის თემირლან მაჩალიკაშვილი მოკლეს