ვიქტორ სანეევი ავსტრალიაში ორი ქართული სიმღერით „ზამთარია“ და „საქართველო ლამაზო“ გააცილეს უკანასკნელ გზაზე - გოგა ჩანადირი

ფოტოხელოვანი გოგა ჩანადირი ოლიმპიური ჩემპიონის, ვიქტორ სანეევის დაკრძალვაზე წერს. ჩანადირის ინფორმაციით, სანეევი უკანასკნელ გზაზე, ორი ქართული სიმღერით „ზამთარია“ („ცისფერი ტრიოს“ შესრულებით) და „საქართველო ლამაზო“ გააცილეს.

"თბილისის დროით დილის 6 სთ-ზე საათზე სიდნეიში დაკრძალეს საქართველოს მე-20 საუკუნის საუკეთესო სპორტსმენი ვიქტორ სანეევი. ის უკანასკნელ გზაზე ორი ქართული სიმღერით „ზამთარიათი“ („ცისფერი ტრიოს“ შესრულებით) და „საქართველო ლამაზოთი“ გააცილეს.

ქართულ სპორტში სანეევის მე-20 საუკუნის ოლიმპიური მიღწევა უნიკალურია. ის სამმხტომში მეხიკოს (მე-19), მიუნხენის (მე-20), მონრეალის (21-ე) ოლიმპიადების ჩემპიონი გახდა. მოსკოვის 22-ე ოლიმპიადაზე ვერცხლის მედალი მოიპოვა.

მაღალი სპორტული მიღწევების გამო, ვიქტორმა სწორედ ამ ოლიმპიადაზე შემოიტანა ოლიმპიური ჩირაღდანი სტადიონზე.

სანეევი პირველი იყო, ვინც სამმხტომში საბჭოთა კავშირის ჩემპიონი გახდა. უამრავი ოქროს მედალი მოიპოვა და არაერთი რეკორდი დაამყარა.

ის 1945 წელს სოხუმში დაიბადა. 77 წლის ასაკში კი სიდნეიში გარდაიცვალა, სადაც 1992 წლიდან ცხოვრობდა.
კარგი სპორტსმენი ხომ იყო და ასევე, კარგი ადამიანი იყო ვიქტორ სანეევი.

დიდი იმედი მაქვს, მის ნეშტს ოდესმე მაინც მშობლიურ საქართველოში გადმოასვენებენ",- წერს გოგა ჩანადირი.

ასევე საინტერესოა:

🔵იტალია: წითელი ზონის რისკის ქვეშ მყოფი რეგიონები

🔵დავავადდი მძიმე ნევროლოგიური დაავადებით, რომელიც ცხოვრებისეულ ფუნქციაში ხელს მიშლის - მიხეილ სააკაშვილი

🔵სოფელ სურხახთან "კანონიერი ქურდის" ცხედრი იპოვეს - რა კავშირი ჰქონდა მას ტარიელ ონიანთან