ყველას მოვუწოდებ, ვინც ორჯერ არის აცრილი, მესამე აცრა საჭიროა - ამირან გამყრელიძე

დაავადებათა კონტროლის ეროვნული ცენტრის დირექტორი აცხადებს, რომ სავალდებულოდ არ გამოცხადებულა, მაგრამ ბუსტერი აუცილებელი ხდება. ამირან გამყრელიძის თქმით, განსაკუთრებით მას შემდეგ, რაც კორონავირუსის ახალი შტამი „ომიკრონი“ უფრო სწრაფად ვრცელდება, გადამდებლობა მეტი აქვს, უფრო ახალგაზრდა ასაკს აზიანებს, მაგრამ არ აქვს მეტი აგრესიულობა, ანუ უფრო რთულად არ მიდის დაავადება და სიკვდილიანობის მატება ამით არ არის.

„სავალდებულოდ არ გამოცხადებულა, მაგრამ ბუსტერი აუცილებელი ხდება. ჩვენ კანონმდებლობით უკვე შემოვიღეთ ბუსტერი. დღევანდელი რიცხვით სადღაც 6 000-მდე ბუსტერია გაკეთებული ჩვენს ქვეყანაში, თანდათან უფრო მეტია მომართვა. განსაკუთრებული მნიშვნელობა ბუსტერს ენიჭება დღეს, როცა გაჩნდა ახალი შტამი, ე.წ. ომიკრონი. ვიცით, რომ ომიკრონი უფრო სწრაფად ვრცელდება, გადამდებლობა მეტი აქვს, უფრო ახალგაზრდა ასაკს აზიანებს, მაგრამ არ აქვს მეტი აგრესიულობა, ანუ უფრო რთულად არ მიდის დაავადება და სიკვდილიანობის მატება ამით არ არის.

გუშინ გამოქვეყნდა ფაიზერის ინფორმაცია, რომელმაც პირველმა ჩაატარა კვლევა ომიკრონის შტამთან ფაიზერის ვაქცინის დამცველუნარიანობასთან დაკავშირებით, თუ რამდენად აქვს ფაიზერის აცრის, განსაკუთრებით ბუსტერის გაკეთების შემდგომ გამომუშავებულ ანტისხეულებს მანეიტრალიზებელი თვისებები ამ ომიკრონის შტამთან დაკავშირებით და დაადასტურა – დიახ, უნდა გაკეთდეს ბუსტერი. ჩვენ საქართველოში ძირითადად ვიყენებთ სინოფარმის და ფაიზერის ბუსტერს, უფრო მეტია გაკეთებული ფაიზერი და ამიტომ ყველას მოვუწოდებ, ვინც ორჯერ არის აცრილი, მესამე აცრა საჭიროა”,-აცხადებს, ამირან გამყრელიძე.

🔵მე ვიყავი პირველი, ვინც საუბრობდა ბუსტერების აუცილებლობაზე! - გიორგი ფხაკაძე

🔵ზურა 41 წლის დარჩა… ჩვენ ვბერდებით!!! - ხათუნა ხოფერია

🔵იტალიის კიდევ ერთი რეგიონი, შესაძლოა ყვითელ ზონაში გადავიდეს