"220-ე საჯარო სკოლას უკრაინული სექტორი დაამატეს, ვიფიქრე საინტერესო იქნებოდა და ვთხოვე ინტერვიუ დირექტორს, მითხრა განათლების სამინისტროს უნდა დავეკითხოო - ტეხავს აღარ ჰქვია ამას" - რას წერს "ფორმულას" ჟურნალისტი?

ტელეკომპანია ფორმულას ჟურნალისტი სალომე ჩადუნელი სოციალურ ქსელში წერს:

"დღეს სწავლა დაიწყო, 220-ე სკოლაში მოვედი, 220-ე საჯარო სკოლას უკრაინული სექტორი დაამატეს და ვიფიქრე, რომ ორმაგად საინტერესო იქნებოდა, ვთხოვე ინტერვიუ დირექტორს, მითხრა განათლების სამინისტროს უნდა დავეკითხოო (დირექტორმა უნდა ჰკითხოს უწყებას, აქვს თუ არა უფლება თავის სკოლაზე ისაუბროს, ეს ცალკე კოშმარი, მაგრამ კარგი))...

სანამ დირექტორი არკვევდა, გარეთ ინტერვიუზე დამთანხდა უკარგესი, ულამაზესი და პოზიტიური მასწავლებელი, შუა ინტერვიუს დროს შემოვარდა დირექტორი, რატომ ნებართვა არ აიღე, სამინისტრომ თქვა, კომენტარი არ გააკეთოთ, მხოლოდ კადრებიო))

უდიდეს უხერხულობაში ჩააგდო ეს ახალგაზრდა პედაგოგი, სხვას ყველაფერს რომ თავი დავანებოთ, ეთიკას და ავტონომიურობის, თავისუფლების განცდას ვგულისხმობ.

ცოტა ხანში, ქალბატონ რიმა ბერაძეს უმასპინძლა და იმასაც ჩაეწერა, ვისაც უთხრეს...

ტეხავს აღარ ჰქვია ამას, ყველაფერს ანადგურებთ, ყოფთ საზოგადოებას და პოლარიზაციას უწყობთ ხელს.

განათლებისა და მეცნიერების სამინისტრო ახალს არაფერს ვწერ, მაგრამ მაინც...

100%-ით დარწმუნებული ვარ, ჩემი იტრიის სკოლის არც ერთი მასწავლებელი ამას არ იკადრებდა.

ვულოცავ ჩემს დას, ბიძაშვილებს და ყველას, პედაგოგებს, ვისაც მხოლოდ სწავლის, შემეცნების და თავისუფლების სურვილი ამოძრავებს...",- წერს ჩადუნელი.

საქართველოს პრემიერ-მინისტრის, ირაკლი ღარიბაშვილის ინიციატივით, სწავლის დაწყების პირველ დღეს ყველა საჯარო სკოლაში საქართველოს ჰიმნი გაჟღერდება და დროშა აღიმართება. ახალ სასწავლო წელს სკოლები მნიშვნელოვანი სიახლეებით ხვდებიან.

ასევე დაგაინტერესებთ:

📍მთელი საქართველოს მასშტაბით სკოლებში საგანმანათლებლო პროცესი განახლდა