"არ ვიზიარებ საავადმყოფოში სააკაშვილის წამების ვერსიას. მტკიცებულების გარეშე მედპერსონალს სადისტის იარლიყი მიაკერო, დანაშაულია" - ნათია ფანჯიკიძე მიხეილ სააკაშვილზე

ფსიქოლოგი ნათია ფანჯიკიძე ფეისბუკის საკუთარ გვერდზე მესამე პრეზიდენტის, მიხეილ სააკაშვილის მდგომარეობას ეხმაურება. მისი აზრით, პრეზიდენტმა ზურაბიშვილმა პატიმრობაში მყოფი წინამორბედი უნდა შეიწყალოს:

“მიხეილ სააკაშვილი ძალიან მძიმე სანახავია და დიაგნოზი, პროგრესირებადი დემენცია თუ მართლა დასვა მოწვეულმა ექსპერტმა და როგორც ჩანს, დასვა, იმდენად მწვავე ნევროლოგიური პრობლემაა, ასეთი დიაგნოზით შეუძლებელიცაა პატიმრობა გრძელდებოდეს. არ მიყვარს ფამილარული მონიშვნა თანამდებობის პირების, ამ შემთხვევაში პრეზიდენტის. ისედაც დარწმუნებული ვარ, არსებობენ ფბ მიმომხილველები ირგვლივ და ხედავენ პოსტებს. ახალი წელი რომ სააკაშვილის შეწყალებით დაიწყოს, რას წავაგებთ? – არაფერს. რას მოვიგებთ? უამრავს და მათ შორის – ქვეყანაში ბევრად გაჯანსაღდება განწყობა, ბევრად შერბილდება პოლარიზება. 

პ.ს. არ ვიზიარებ საავადმყოფოში სააკაშვილის წამების ვერსიას. მტკიცებულების გარეშე მედპერსონალს სადისტის იარლიყი მიაკერო, დანაშაულია. არ მინდა ერთი ადამიანის დანდობის თხოვნა სხვების მიმართ დაუნდობლობას ეფუძნებოდეს. ამგვარი რიტორიკისგან დამოუკიდებლად, ვუერთდები თხოვნას, საკმარისად ჩაითვალოს სასჯელი” – წერს ფანჯიკიძე.

ასევე დაგაინტერესებთ:

🔵"მოვედით, რომ კიდევ ერთხელ შევთავაზოთ ბატონ მიხეილ სააკაშვილს თმისა და ფრჩხილის ნიმუშების აღება" - სუს-ის უფროსი გამომძიებელი

🔵"ეს უკანასკნელი არაკაცი, ყველაფრის მკადრებელი ჯოჯო როგორ მოგვერია, 9 წელი როგორ გვატერორა და ახლაც როგორ არ გვაკლებს" - რუსუდან შარაძე სააკაშვილზე