"ჩაბარების შემდეგ კი ისეთი გახარებული ვიყავი, რომ უკანა სავარძელზე პიჯაკი დამრჩა" - გოგა ჩანადირი

ქართველი ფოტოხელოვანი გოგა ჩანადირი სოციალურ ქსელში წერს, რომ მართვის მოწმობა აიღო

"ესეც მართვის მოწმობა!

წარმოუდგენელია, მაგრამ დღეიდან მართვის მოწმობის მფლობელი ვარ.

საოცარი ავტოსკოლა შემხვდა "ავტოსკოლა ზურასა" და თავად ზურა რაჯებაშვილის სახით.

თეორიაც და მექანიკაში პრაქტიკაც პირველივე ცდაზე ჩავაბარე.

ზურა მეუბნებოდა, გადი გამოცდაზე, მზად ხარო, მე ვეუბნებოდი, ჯერ ადრეა-მეთქი, მაგრამ ძველი წესებით გამოცდის ბოლო დღეს ბოლო გამსვლელად გავედი და აგერ, ჩავაბარე.

ჩემს მეგობარს, რომელსაც ბავშვობიდან მანქანის მართვის გამოცდილება აქვს და რომელმაც რუსთავში წამიყვანა, ახლაც კი არ სჯერა, რომ მძღოლი გავხდი, რადგან აქამდე მანქანის მართვის  გამოცდილება საერთოდ არ მქონდა.

პრაქტიკის გამოცდაზე პირადობის წაღება დამავიწყდა და რეგისტრაციაში აღებული, რაღაც ნომრით დამიშვეს.

ჩაბარების შემდეგ კი ისეთი გახარებული ვიყავი, რომ უკანა სავარძელზე პიჯაკი დამრჩა.

უნდა ვაღიარო, რომ მართლა ჩავუჯექი ჯერ თეორიას, სრულად გავიაზრე ყველა საგზაო ნიშანი და წესი.

არაფერი დავიზეპირე (გარდა ჯარიმებისა, ოღონდ ამ საკითხს გამოცდიდან საერთოდ ამოვიღებდი) და პრაქტიკაშიც მონდომებით ვივარჯიშე.

მექანიკა, სულაც შემიყვარდა.

ახლა რამდენიმე სიტყვა თავად გამოცდაზე:

თეორიაში 7 წუთიც კი არ დამჭირდა.

მინდოდა, უშეცდომოდ ჩამებარებინა, მაგრამ საკითხები იმდენად კარგად ვიცოდი, რომ ერთ-ერთი კითხვა უყურადღებოდ წავიკითხე.

კერძოდ, ეკრანზე ნაჩვენები იყო ალმებიანი თოკით ბუქსირების კადრი და მეკითხებოდნენ, შეიძლებოდა თუ არა მსგავსი მეთოდით გაუმართავსაჭიანი მანქანის ბუქსირება.

დავეთანხმე, რადგან გარეგნულად ყველაფერი რიგზე იყო, მაგრამ პასუხი არასწორად შემიფასდა.

მერეღა მივხვდი, რომ გაუმართავსაჭიანი მანქანით ბუქსირება დასაშვებია მხოლოდ ხისტი გადაბმულბით (ორკაპიანი რკინით) ან წინა თვლების ან თავად მანქანის სრულად ძარაზე (ევაკუატორზე) დადებით.

საგამოცდო ეკრანი მგრძნობიარეა და პასუხს ერთხელ უნდა დააჭირო, მაშინაც კი, თუ ახალი ბილეთი არ ამოვიდა, თორემ თითის მეორედ დაჭერამ შეიძლება "გზაში გაჭედილი" მომდევნო საკითხზე პასუხის გაცემა დააფიქსიროს.

ყოველი ბილეთი იტვირთება და ხანდახან დრო სჭირდება. 

გამოცდა საჭოჭმანო საკითხის ისრით ბოლოში გადატანის საშუალებას იძლევა, რაც არ გამომიყენებია.

ყურადღება სჭირდება გრაფებსაც.

ვთქვათ სწორი პასუხია 3. ის შეიძლება N2-ში ეწეროს და ვინმემ, შეიძლება ეკრანზე მე-3 გრაფას დააჭიროს.

პრაქტიკის გამოცდას 3 საათი ველოდი.

ერთხანს ავღელდი კიდეც, რადგან ჩემამდე გასული 150 გამოსაცდელიდან 120 მაინც პირველივე დავალებაზე - მანქანის ფარეხში უკუსვლით შეყენების დროს ჩაიჭრა.

ჩემი ჯერი რომ დადგა, ერთი ღრმად ჩავისუნთქე და მანქანაში ჩავჯექი, რომელსაც ზურას ავტოსკოლიდან უკვე ვიცნობდი.

გაუღიმარი გამომცდელი შემხვდა, მაგრამ არ შევიმჩნიე.

"შკოდა" ზუსტად იმ პირველ ფარეხში შემაყენებინა, სადაც ჩემ თვალწინ უამრავი გამოსაცდელი ჩაიჭრა.

დავალება მაშინვე შევასრულე და გამომცდელს ვუთხარი, შემაქე, მეტი ძალა მომეცემა-მეთქი. მისაყვედურა, ეგ მეორედ აღარ თქვაო.

ფარეხის შემდეგ კიდევ უფრო დავმშვიდდი.

გამახსენდა სწავლის დროს გაზიარებული ყველა წვრილმანი, განსაკუთრებით მანქანის ჩაქრობის, დაგორებისა და გადაბმულობის სწორად გამოყენების საკითხები და მომდევნო დავალებებს შევუდექი.

ყველაფერი უშეცდომოდ გამომივიდა.

მხოლოდ აღმართზე სდექ ხაზთან ცოტა ადრე რომ გავაჩერე, 15 ქულით დავჯარიმდი. 39 ქულის ჩამოკლება კი ჩაჭრას ნიშნავს.

პარალელური პარკირების გაკეთების შემდეგ კომპიუტერმაც და გამომცდელმაც ჩემი გამოცდა წარმატებულად შეაფასეს და, აი, უკვე ოფიციალურად მართვის მოწმობიანი ვარ.

მიხარია, რომ ხსენებული შეცდომები მანქანის სწორად მართვასა და მანევრირებას არ ეხება. რაც ჩემთვის იმას ნიშნავს, რომ საიმედო მძღოლი ვარ.

ამასთანავე, მე ვიქნები მძღოლი, რომელიც არასდროს გადაასწრებს მანქანას მარჯვნიდან (თუ მარცხნივ არ უხვევს) და ასევე, არ გადავა მოხრეშილ გზაზე ან გვერდულაზე, რომ უკან ჩამოიტოვოს საცობებში მდგარი კეთილსინდისიერი მძღოლები.

ვიქნები მძღოლი, რომელიც გადასასვლელებზე ქვეითებს გაატარებს, რომელიც ხმამაღალი მუსიკით ღამით ქუჩებში არ ივლის, სველ გზებზე ფრთხილად გაივლის, რომ ქვეითები არ გაწუწოს,  მანქანიდან ნაგავს არ გადაყრის.

ასევე, გარდა საგზაო შემთხვევების არიდებისა, არ დაასაგნილებს, არ გალანძღავს მძღოლს მაშინაც კი, თუ მწვანე შუქზე წინა მძღოლი მანქანას დროულად არ დაძრავს და ვიქნები მძღოლი, რომელიც წყვეტილ ხაზებს ბორბლებს შორის არ ამოიდებს.

და კიდევ, ვიქნები მძღოლი, რომელიც საჭესთან არაფხიზელ მდგომარეობაში არასოდეს დაჯდება.

აქვე მადლობას ვუხდი თამაზ ბექაიას, რომელმაც ჯერ კიდევ 2020 წელს დამაძალა მართვის მოწმობის აღება და ასევე, მადლობა ზურა ბაბუციძეს, რომელმაც მაშინ პირველი გაკვეთილები ჩამიტარა და რომ არა კოვიდშეზღუდვები და პანდემია, უფრო ადრე გავიდოდი გამოცდაზე.

ზურას იუმორით შეზავებული გაკვეთილებს რა დამავიწყებს?

და კიდევ, ყველაფრის მიუხედავად, მე მაინც ელექტრომანქანაზე გადაჯდომის მომხრე ვარ და ჩემს მცდელობას მისკენ წარვმართავ", - წერს გოგა ჩანადირი.

ასევე დაგაინტერესებთ:

* იტალიაში შეძენილი 3 ცხენი წულუკიანმა საცხენოსნო სპორტის ფედერაციას გადასცა (ფოტორეპორტაჟი)

* ირაკლი ღარიბაშვილი: საქართველოს ევროინტეგრაციის გზის უმნიშვნელოვანეს ეტაპზე გადავედით, დარწმუნებული ვარ საქართველოს წარმატებაში, ქართველი ხალხის საბოლოო მიზნის მისაღწევად 

მასალის გამოყენების პირობები


მთავარი სიახლეები




სხვა სიახლეები

1745001149

ახალი ამბები

გია ვოლსკი: ელენე ხოშტარიას ყველაზე მეტი მაჩვენებელი აქვს პოლიციის მანქანაზე შეხტომის და ხულიგნობის, ფაქტია, იღებს უშველებელ რესურსს რუსეთის ბიუჯეტიდან

საქართველოს პარლამენტის პირველი ვიცე-სპიკერის გია ვოლსკის განცხადებით, ასე ღიად ფულის გადაცემა კონკრეტული ადამიანისთვის, იმისთვის, რომ მან გააჩინოს ბზარი საქართველოს ხელისუფლებას და ევროკავშირის ურთიე...

გია ვოლსკი

1744999474

ახალი ამბები

ამირან სალუქვაძე უკრაინის ომზე: არ შეიძლება ასეთი მასშტაბის ომის შეწყვეტა ერთი განკარგულებით, ერთი ხელის დაქნევით, ასე არ ხდება

არ შეიძლება ასეთი მასშტაბის ომის შეწყვეტა ერთი განკარგულებით, ერთი ხელის დაქნევით, ასე არ ხდება, მით უმეტეს, როდესაც კონფლიქტს საკმაოდ ღრმა ფესვები აქვს და თან ამდენი დანაკარგი ახლავს, - განაცხადა რუს...

ანალიტიკოსი

1744997500

ახალი ამბები

დავით მათიკაშვილი „სირცხვილია“-ს წევრის მხრიდან ღუდუშაურის შეურაცხყოფაზე: ეს არის ნაცური მორალი, ფაშისტური თავდასხმები ადამიანებზე

„ეს არის ნაცური მორალი, უფრო სწორად მორალის არქონა. ფაშისტური თავდასხმები ადამიანებზე, მცდელობა, რომ ისინი წყობიდან გამოიყვანონ“, - ასე ეხმაურება მმართველი გუნდის წევრი დავით მათიკაშვილი ალუდა ღუდუშაუ...

დავით მათიკაშვილი

1744994444

ახალი ამბები

მეუფე შიო: უფალი დღესაც იმყოფება ადამიანებს შორის, დღესაც ისმის მისი სიტყვა მოწყალებაზე, ჭეშმარიტებაზე, სიყვარულზე, სიკეთეზე... დღესაც ჰყავს მტრები, რომლებსაც სძულთ იგი სიწმინდისა და სიმართლისთვის

„უფალი დღესაც იმყოფება ადამიანებს შორის, დღესაც ისმის მისი სიტყვა მოწყალებაზე, ჭეშმარიტებაზე, სიყვარულზე, სიკეთეზე... დღესაც ჰყავს მტრები, რომლებსაც სძულთ იგი სიწმინდისა და სიმართლისთვის. დღესაც უყვარ...

მეუფე შიო

1744992913

ახალი ამბები

ხობში 12 წლის ბავშვს მანქანა დაეჯახა

ხობში, დადიანის ქუჩაზე ავტოსაგზაო შემთხვევა მოხდა. არსებული ინფორმაციით, ავტომობილი 12 წლის ბიჭს დაეჯახა. დაშავებული მოზარდი სასწრაფო სამედიცინო დახმარების ბრიგადამ კლინიკაში გადაიყვანა. როგორია მოზარ...

რუსთავში, დასვენებისა და კულტურის ცენტრალურ პარკში 5 წლის ბავშვი სასრიალოდან ჩამოვარდა, თავი დაარტყა და გაითიშა