"ეს აღიარება უამრავ ვარსკვლავს არ ღირსებია - თუკი ვინმე ვარსკვლავი იყო ფეხბურთში, ყველამ დადებითად შეაფასა ხვიჩას თამაში"
ქართველი ფოტოხელოვანი გოგა ჩანადირი სოციალურ ქსელში, ხვიჩა კვარაცხელიას შესახებ წერს:
"ბოლო თვეებია, ხვიჩა კვარაცხელიაზე უამრავი რამ ითქვა და დაიწერა.
უმეტესად, დადებითი.
არ არსებობს ცნობილი საერთაშორისო გამოცემა, მასზე რომ არ დაეწეროს.
თუკი ვინმე ვარსკვლავი იყო ფეხბურთში, ყველამ დადებითად შეაფასა ხვიჩას თამაში.
სერია A-ს საუკეთესო ფეხბურთელი გახდა პირველივე თვეს (2022-ის აგვისტოში).
იცით, ეს აღიარება უამრავ ვარსკვლავს არ ღირსებია.
"ნაპოლის" 7 ოფიციალურ თამაშში 4 გოლი და 2 საგოლე გადაცემა მიითვალა.
ხვიჩას კვარადონად და კვარავაჯოდ მოიხსენიებენ.
ადარებენ საუკეთესო ფეხბურთელებს.
თითქოს, თავში უნდა აუვარდეს ამ ბიჭს, რომელიც 2023 წლის 12 თებერვალს 22 წლის გახდება, მაგრამ ეს ნამდვილად აღარ მოხდება.
მან მთავარი გამოწვევები დაძლია.
სპორტსმენია, ძლიერია, თავდაუზოგავად ვარჯიშობს, უშიშარია, სახელებს არ ერიდება და რაც მთავარია, ფეხბურთისგან იღებს უდიდეს სიამოვნებას.
თანაც, საოცარი საფეხბურთო ინტელექტი აქვს შესანიშნავად ხედავს მოედანს. ერთნაირად კარგად ურტყამს ორივე ფეხით.
ესე იგი, ქართველებსაც შეგვიძლია შრომა და ფსიქოლოგიური მდგრადობა.
ის არ არის გამონაკლისი ქართველი, უბრალოდ, ძლიერ ოჯახში აღიზარდა. დედა ვარჯიშებზე დაჰყვებოდა, მამა ბადრი ფეხბურთელი იყო და სწორ რჩევებს აძლევდა.
ხვიჩა იმედი გახდა იტალიაში მცხოვრები ქართველებისთვის, რომელთა ნაწილი არალეგალურად ცხოვრობს.
იმედი და მაგალითი გახდა სამშობლოსთვის, აქაური მომავალი ფეხბურთელებისთვის, ნაკრებისთვის.
ბიძგი მისცა ახალ ქართულ ფეხბურთს, ევროპული საფეხბურთო კარი გაუღო თანამემამულეებს.
მის გვარს თავიდან ძნელად წარმოთქვამდნენ, ახლა ყველამ ზეპირად იცის.
ერთი თხოვნა მაქვს, ნუ ჩართავთ პოლიტიკაში.
ნუ გახდით ხვიჩას სახელს სპეკულაციების თემად.
იგივე თხოვნა მაქვს თავად ხვიჩასთან.
მიეცით საშუალება, რომ ფეხბურთი ითამაშოს, გაილაღოს, სიამოვნება მიიღოს და გოლები გაიტანოს.
მისი გოლები ჩვენი გოლებიც არის.
ხვიჩა ბედნიერ ვარსკვლავზე დაბადებული ვარსკვლავია.
დაე, იკაშკაშოს", - წერს გოგა ჩანადირი.
ამავე თემაზე:
* ხვიჩა კვარაცხელია სერია A-ს აგვისტოს საუკეთესო მოთამაშედ აირჩიეს
მთავარი სიახლეები
1793544071
მსოფლიოიური უშაკოვი აცხადებს, რომ თუ ზელენსკის პუტინთან მოლაპარაკებები სურს, მოსკოვში ჩასვლა შეუძლია და თუ დარეკვა უნდა, პუტინი აუცილებლად უპასუხებს
რუსეთის ფედერაციის პრეზიდენტის იური უშაკოვის განცხადებით, რუსეთის პრეზიდენტ ვლადიმერ პუტინს არასდროს უთქვამს უარი მოლაპარაკებებზე და იმ შემთხვევაში თუკი უკრაინის პრეზიდენტი მას დაურეკავს, პუტინი აუცილ...
1793541081
სპორტიმოფარიკავე სანდრო ბაზაძემ ჩინეთში გამართულ „მასტერსზე“ ოქროს მედალი მოიპოვა
მოფარიკავე სანდრო ბაზაძემ ჩინეთში გამართულ „მასტერსზე“ ოქროს მედალი მოიპოვა. აღნიშნულ ინფორმაციას საქართველოს სპორტის სამინისტრო ავრცელებს. მან ფინალში მასპინძელი შიაო ლინი ანგარიშით 15 - 3 დაამარცხ...
1793538014
ახალი ამბებილევან მახაშვილი პოლონეთის საკონსტიტუციო სასამართლოს გარშემო განვითარებულ მოვლენებზე: ფაქტია, რომ ბევრი კითხვის ნიშანი არსებობს იმასთან დაკავშირებით, კანონის უზენაესობის ფარგლებში მიმდინარეობს ეს პროცესები თუ არა
„როდესაც ამ ტიპის მიდგომებს თესავენ სხვა სახელმწიფოებში, ადრე თუ გვიან საკუთარ ქვეყანაში მოიმკიან ხოლმე“, - განაცხადა ევროინტეგრაციის კომიტეტის თავმჯდომარე ლევან მახაშვილმა პოლონეთის საკონსტიტუციო სას...
1793533138
მსოფლიოლონდონში აშშ-ის საელჩოსთან გამართული საპროტესტო აქციის დროს 130-ზე მეტი ადამიანი დააკავეს
ლონდონის პოლიციის განცხადებით, დიდ ბრიტანეთში აკრძალული ორგანიზაციის, „პალესტინის მოქმედების“ მხარდასაჭერად საპროტესტო აქციაზე 139 ადამიანი დააკავეს. ინფორმაციას Associated Press-ი ავრცელებს. მედიას...
1793528397
ახალი ამბებიცოტნე ანანიძე ბერა ივანიშვილის შესახებ გავრცელებულ ინფორმაციაზე: „ტვ პირველის“ დაუდასტურებელი ინფორმაციით, აეროპორტში მამამ შვილი გააცილა - შემდეგი სკანდალი ალბათ ის იქნება, რომ ოჯახის წევრებმა ერთმანეთს დაბადების დღე მიულოცეს
აჭარის ავტონომიური რესპუბლიკის უმაღლესი საბჭოს თავმჯდომარე ცოტნე ანანიძე, „ტვ პირველის” მიერ გავრცელებულ ინფორმაციას ეხმიანება, რომლის თანახმად, ბერა ივანიშვილი საქართველოდან გაფრინდა, ხოლო, აეროპორტ...
