"ეს ამერიკული  სამაშველო კორპუსის ვერტმფრენია. 9 მლნ დოლარი ღირს - მღვდლებისთვის ყოველწლიურ ხარკად 25 მლნ ლარი რომ არ გვეხადა, ყოველ წელს თითო ასეთ ვერტმფრენს შევიძენდით! იძახეთ ახლა "ნათელი და სანთელი დაუმკვიდრე"

ბიზნესმენი და პუბლიცისტი, ანდრო ტოროტაძე გუდაურში დატრიალებულ ტრაგედიასთან დაკავშირებით წერს:

"ეს  MH - 65 (Dolpin) ამერიკული  სამაშველო კორპუსის ვერტმფრენია. 9 მლნ დოლარი ღირს.

ჩვენი ბედოვლათი მთავრობების გამოისობით (თუ ნაცების და თუ ქოცების) მღვდლებისთვის ყოველწლიურ ხარკად 25 მლნ ლარი რომ არ გვეხადა, ყოველ წელს (!)

თითო ასეთ ვერტმფრენს შევიძენდით!

და უკვე 20  გვეყოლებოდა.

ჩვენ კი რა ვაკეთეთ!

უთავბოლოდ ეკლესიები ვაშენეთ და "ტრუბა კვადრატის" და "არმატურის" ჯვრები ვარჭეთ ქუჩებში და მოედან-სკვერებში!

და "ნიკოლოზის დროინდელ" რუსულ  ნარემონტალ МИГ 8 ვერტმფრენებზე შევსვით მაშველები....

იძახეთ ახლა "უფალო შეიწყალე" "ნათელი და სანთელი დაუმკვიდრე"  "დიდება მათ ხსოვნას "და წერეთ "ამინები"!",- წერს ტოროტაძე.

30 ივლისი საქართველოში გლოვის დღედ გამოცხადდა.

სასაზღვრო პოლიციის ვერტმფრენი, გუდაურთან, 29 ივლისს ჩამოვარდა. ვერტმფრენმა, რომლის დახმარებით ჩამოვარდნილი პარაპლანისტების სამაშველო ოპერაცია მიმდინარეობდა, მართვა დაკარგა.

შსს-ს ინფორმაციით, ბორტზე 8 ადამიანი იმყოფებოდა. ყველა მათგანი დაიღუპა.

დაშავებულია პარაპლანის ინსტრუქტორი, მასთან ერთად მყოფი უცხოელი ტურისტი კი გარდაცვლილია.

საჰაერო ტრანსპორტის ექსპლუატაციის წესების დარღვევის ფაქტზე გამოძიება საქართველოს სისხლის სამართლის კოდექსის 275-ე მუხლით მიმდინარეობს.

ასევე დაგაინტერესებთ:

* "ამას ვერც პუტინს და ვერც ბიძინას ვერ დავაბრალებთ, ეს ტრაგედიაა და მისი აღკვეთა შეიძლებოდა" - იაგო ფრანგიშვილი

*  გლოვის დღესთან დაკავშირებით, საზღვარგარეთ საქართველოს დიპლომატიური წარმომადგენლობებისა და საკონსულო დაწესებულების შენობებზე სახელმწიფო დროშები დაშვებულია