"გროვდება ხელმოწერები, რათა ლევან ბერძენიშვილს ლექციების კითხვა აეკრძალოს - არ ვიცი, ვის თავში დაიბადა ეს სისულელე"

"გროვდება ხელმოწერები, რათა ლევან ბერძენიშვილს ლექციების კითხვა აეკრძალოს. არ ვიცი, ვის თავში დაიბადა ეს სისულელე", - ასე ეხმაურება,  პროფესორი, ფილოლოგიის მეცნიერებათა დოქტორი, ამირან გომართელი ლევან ბერძენიშვილის მიერ ერეკლე მეორეს შესახებ გაკეთებულ განცხადებაზე საზოგადოების რეაქციას.

"ძვირფასო მეგობრებო, გავრცელდა ინფორმაცია, რომ გროვდება ხელმოწერები, რათა ლევან ბერძენიშვილს ლექციების კითხვა აეკრძალოს.

არ ვიცი, ვის თავში დაიბადა ეს სისულელე.

არც იმას გამოვრიცხავ, რომ ეს შემოგდებული თემა იყოს, რათა მერე ფსევდოლიბერალებმა იძახონ, რა ბნელეთია ეს საქართველო.

ის ფაქტი, რომ ლევან ბერძენიშვილს არ აქვს სრულყოფილი ცოდნა ერეკლეს ეპოქაზე ან გარკვეულ პოლიტიკურ კლანს აწონებს თავს ერეკლესათვის მოღალატის შერქმევით, არ ნიშნავს, რომ მას ანტიკური ლიტერატურის შესახებ ლექციების კითხვა ავუკრძალოთ.

საზოგადოებამ, რომელიც სიტყვისა და გამოხატვის თავისუფლებას აღიარებას, არც ლევან ბერძენიშვილის დასჯა უნდა მოითხოვოს და არც იმ კაცისა, რომელმაც თელავში საზოგადოებრივი ტუალეტის კარზე ლევან ბერძენიშვილის პორტრეტი გამოკიდა.

პროტესტის ამგვარი ფორმაც გამოხატვის თავისუფლებაა”, – წერს ამირან გომართელი.

ცნობისთვის, საზოგადოებაში მითქმა-მოთქმა მას შემდეგ არ წყდება, რაც ლევან ბერძენიშვილმა განაცხადა:

"ვიდრე ერეკლე მეორე მოღალატედ არ არის გამოცხადებული, ღარიბაშვილი გამოვა და იკითხავს, - ომი გინდათო? ერეკლე მეორემაც ეგ თქვა, - აბა ომი გინდათო?"

ასევე დაგაინტერესებთ:

* თბილისში დღეს დიასპორის დღისადმი მიძღვნილი ფორუმი - „ქართული დიასპორა საქართველოს ევროპული მომავლისათვის“ იმართება

* ერეკლე მეფის შესახებ ამდენი ყაყანი ეფუძნება ისტორიის, ასევე გეორგიევსკის ტრაქტატის პირობების ელემენტარულ არცოდნას - კოკო გამსახურდია