„გულაჩუყებული ვარ... ბილეთი უკვე ავიღე, შემოდგომას რომ მივალაგებ ჩავაკითხავ და ჩამოვიყვან“ - რას წერს ზურა შევარდაძე

გარდენია - შევარდნაძის მფლობელი ზურა შევარდნაძე სოციალურ ქსელში ემოციურ სტატუსს აქვეყნებს და წერს:

„აგვისტოს ბოლოს საშვებულებოდ ჩამოსული გერმანელი მეგობრები გავაცილე. ჰანსთან და კლაუდიასთან ერთად ვსწავლობდი 20 წლის წინ მებაღეობას და ფლორისტიკას გერმანიაში, მალევე დაქორწინდნენ, მათი ქორწილის წვეულება მე გავფურჩქნე რაინის ნაპირზე მინდორზე, ლამაზი იყო. ჰანსს მამისაგან დიდი სასათბურე მეურნეობა და სამებაღეო ცენტრი ერგო რომელსაც წარმატებით უძღვება ბოლო წლებია, კლაუდიამ პატარა საყვავილე მაღაზია იყიდა ჰამბურგთან ახლოს, ბედნიერად ცხოვრობენ და მუშაობენ, 2 შვილს ზრდიან. მათი წასვლიდან რამდენიმე დღეში, ჩვენმა საერთო ნაცნობმა წერილი ჩამომიტანა.

" ზურაბ, ძვირფასო ზურაბ.

წინა კვირას მომინახულეს ჰანსმა და კლაუდიამ, მიამბეს შენზე შენს ქვეყანაზე, შენს ბაღზე, მიჩვენეს ფოტოები წვეულებები, ნამუშევრები, შენი ფეისბუკ გვერდიც დამათვალიერებინეს.

მინდა მოგწერო რომ ეს საერთოდ არ ჰგავს იმას რაც მე გასწავლეთ, უფრო მეტიც, შენი ფერები, ფორმები, ფაქტურა, გამოყენებული მასალა, ტექნიკა, არცერთ ჩემთვის ნაცნობ ფლორისტულ წესს, კოლორისტიკის კანონს და საერთოდ არცერთ კანონზომიერებას არ ექვემდებარება და ესაბამება. იცოდე ჩემგან, სწორედ ამაშია შენი სიძლიერე. სიუხვე, სიუხვე, სიუხვე ყველგან, ამას კი შენს ქართულ ბუნებას, შენს გულუხვ ხასიათს ვაბრალებ.
ძალიან ამაყი ვარ შენით.

მე მოვხუცდი, ხელები ძველებურად აღარ მემორჩილება. ლარნაკში ჩემთვის რომ ვალაგებ ყვავილს ისიც კი არ მომწონს. ცხოვრების წესი სრულიად შევიცვალე, უკვე მესამე წელია "Siniorenhaus" ში ვცხოვრობ, აქ მოსაწყენია.
ეგებ მართლა მოვიკრიბო ძალა და გაზაფხულზე მართლა გესტუმრო შენი და შენი ბაღის ნახვით გავიხალისო ჩემი ცხოვრების ბოლო დღეები, ჰანსმა შემპირდა რომ წამომიყვანს.

სიყვარულით, პატივისცემით და მონატრებით შენი მასწავლებელი, რომლისგანაც ბევრი არაფერი ისწავლე
(და რა კარგია რომ ასეა).
ჰანნა, კლაუდია ეკლირნაუმი.
ჰამბურგი 2022 აგვისტო."
გულაჩუყებული ვარ..

წერილის თარგმნა და გასაჯაროება არაა ალბათ მთლად ღირსეული საქციელი მაგრამ ეს განსაკუთრებული წერილია, განსაკუთრებული მასწავლებლისგან.

ბილეთი უკვე ავიღე, შემოდგომას რომ მივალაგებ ჩავაკითხავ და ჩამოვიყვან“, - წერს ზურა შევარდნაძე.

ასევე საინტერესოა:

🔵  ხანმოკლე შხაპი და თბილი მაისურები სახლში - იტალია მოსახლეობას ზამთარში ბუნებრივი აირის მაქსიმალურად დაზოგვისკენ მოუწოდებს

🔵  საქართველოში დნმ-ის კოდის მონაცემთა ბანკი შეიქმნება

🔵  "ეპისკოპოსები საკუთარ ძალაუფლებას ხაჭაპურის ჭამის მსგავსად იყენებენ... ეს უნდა დასრულდეს!" - მამა ანდრია (სარია)