"ეპისკოპოსები საკუთარ ძალაუფლებას ხაჭაპურის ჭამის მსგავსად იყენებენ... ეს უნდა დასრულდეს!" - მამა ანდრია (სარია)

"ჩვენს ეკლესიაში კრიტიკული კითხვები დასჯადი გახდა და “პროვოკაციულად” ითვლება. "ეპისკოპოსები საკუთარ ძალაუფლებას ხაჭაპურის ჭამის მსგავსად იყენებენ... ეს უნდა დასრულდეს!", - ამის შესახებ სოციალურ ქსელ "ფეისბუკში" მამა ანდრია (სარია) წერს.

"ეკლესიაში ყოველთვის აღმოჩნდება ადამიანთა რიგი, რომლებიც ჩუმად იქნებიან და ასევე ისიც უნდა გავითვალისწინოთ, რომ ამ სიჩუმის დამრღვევებიც გამოჩნდებიან.

არა აქვს მნიშვნელობა ვინ იქნება ეს და რა სახის კითხვა ექნება.

ეკლესიამ ყოველთვის უნდა მოძებნის კანონიკური გამოსავალი, რაც სამწუხაროდ ჩვენ რეალობაში არ არსებობს.

არ ვიცი რა ხდება მეუფე ზენონთან მიმართებაში, მაგრამ ეპისკოპოსი როდესაც პროკურატურას მიმართავს საკუთარი იმიჯის დასაცავად და ეკლესიის იმედი არა აქვს, რომ მისი საქმე შესწავლილი იქნება და სათანადოდ განხილული, ამაზე დიდი კატასტროფა რა უნდა იყოს?

თუნდაც რომ საერო სასამართლოზე იყოს განკუთვნილი ის ქეისი, რომელზედაც მღვდელმთავარი დავობს.

პირველ რიგში მან სინოდის წევრებთან უნდა გაარჩიოს და ამის შემდეგ ხდება საერო სასამართლოზე საქმის გადაცემა.

მამა დოროთეს რა კითხვები ჰქონდა საერთოდ არ ვიცი, მაგრამ ნებისმიერ კითხვას აქვს არსებობის უფლება და ლეგიტიმაცია მასზე მსჯელობის შემდეგ დამტკიცდება.

მეუფე ზენონმა რამდენიმე ტაქტიკური შეცდომა დაუშვა, რაზედაც ახლა არ გავამახვილებ ყურადღებას.

დანარჩენი კი, საეკლესიო სასამართლოზე მსჯელობის საკითხია და არ მაქვს იმედი რომ ახლა ზუსტად ისე განისაზღვრება ყველაფერი, როგორც ამას სამართლიანი სასამართლო მოითხოვს ეკლესიაში.

ეპისკოპოსები საკუთარ ძალაუფლებას ხაჭაპურის ჭამის მსგავსად იყენებენ…როცა მოუნდებათ და რაც მოუნდებათ იმას აკეთებენ… ეს უნდა დასრულდეს!", - წერს მამა ანდრია "ფეისბუკზე".