ომში წასული ერთხელ კვდება, იმათი ოჯახები დღეში ათჯერ, ასჯერ, ათასჯერ - ნინო თარხნიშვილი

რადიო თავისუფლების ჟურნალისტი, ნინო თარხნიშვილი, ფეისბუკის საკუთარ გვერდზე წერს:

"უკრაინაში დაღუპული თითქმის ყველა ქართველის ოჯახის წევრთან მაქვს ინტერვიუ ჩაწერილი. თან ოჯახის უახლოეს წევრებთან. ცოლებთან, შვილებთან, დებთან…
“აზრი არ ჰქონდა ხვეწნას”… მპასუხობდნენ ისინი, როცა ვეკითხებოდი, როგორი იყო მათი რეაქცია, როცა საყვარელი ადამიანის ომში წასვლის გადაწყვეტილების ამბავი გაიგეს.
ადრეც რამდენჯერ მიფიქრია და ახლა განსაკუთრებით, როგორ მოვიქცეოდი, რას ვიზამდი, რა სამარცხვინო და საბრალო სცენებს დავდგამდი, თეფშების ლეწვით, ისტერიკით, ტანსაცმლის გადაყრით, მუქარით, რომ ვეღარასდროს მნახავს.
სხვა არავინ მეგულება უფრო ძლიერი, ომში წასული ადამიანის ოჯახის წევრის გარდა.
როცა ყველა ზარი ტელეფონზე ელდას გცემს.
როცა ერთი უპასუხო მესიჯის შემდეგ, სიკვდილის ყველა შესაძლო სცენას დგამ გონებაში.
როცა დღეც და ღამეც, მზეშიც და ღრუბელშიც გაყინული გაქვს ხელები და მაინც ცოცხალი ხარ.
და იმისი მტერი თუ ტყვიაა, შენი მტერი უფრო უარესი - შიშია.
როგორ მოვიქცეოდი და უკან გავეკიდებოდი.
ზუსტად ვიცი, ტყვია ვერა და სახლში დარჩენილს შიში მომკლავდა - სიკვდილის ლოდინი.
გმირები ომში წასულები არ არიან. იმათი პატრონები არიან გმირები.
ომში წასული ერთხელ კვდება, იმათი ოჯახები დღეში ათჯერ, ასჯერ, ათასჯერ.
თუკი ფიქრობთ, რომ მშიშარა ვარ, დაე",-წერს, ნინო თარხნიშვილი.

ასევე წაიკითხეთ:

🔵უკრაინაში, კიდევ ერთი ქართველი მებრძოლი დაიღუპა

🔵ხარკოვის ოლქიდან უკან მოუხედავად გაკურცხლა ურდომ! ხარკოვისთვის ბრძოლა მოგებულია! - ბუკა პეტრიაშვილი

🔵რუსები ხარკოვს ტოვებენ - უკრაინის შეიარაღებული ძალები ოკუპანტებთან კონტრშეტევაზე გადავიდნენ