ორი დღეა სოციალურ ქსელში საუბრობენ, რომ თითქოს, ალენ დელონი 18 მაისს ევთანაზიის ჩატარებას აპირებს... - რა ინფორმაციას ავრცელებს პეტრე კოლხი

მცხეთის სვეტიცხოვლის ტაძრის მღვდელმსახური, დეკანოზი პეტრე კვარაცხელია სოციალურ ქსელში ეხმაურება, მსოფლიო კინოვარსკვლავის ალენ დელონის შესახებ სოციალური ქსელებით გავრცელებულ დაუზუსტებელ ინფორმაციას, ევთანაზიასთან დაკავშირებით:

"მეგობრებო ორი დღეა სოციალურ ქსელში საუბრობენ, რომ თითქოს, ალენ დელონი 18 მაისს ევთანაზიის ჩატარებას აპირებს. ძალიან ბევრი ვეძებე წყარო, რომ ეს ყველაფერი დამეზუსტებინა და დაზუსტებული ინფორმაცია მომემტანა თქვენამდე, მაგრამ ვერსად ვერაფერი ვიპოვე. სინდვილეში ეს არის ჭორის დონეზე გავრცელებული, კონტექსტიდან ამოგლეჯილი იფორმაცია რომელიც მაშინვე აიტაცა საზოგადოებამ.
რამდენი ხანია ამ თემაზეა კამათი. არადა, როგორც წავიკითხე არაყვითელ საიტებზე, ალენ დელონმა 2021 წელს ჟურნალ Paris Match-სთვის მიცემულ ინტერვიუში უბრალოდ მხარი დაუჭირა ევთანაზიას და განაცხადა რომ ევთანაზია სრულიად ბუნებრივ დასასრულად მიაჩნია. გარდა ამისა, ენტონი დელონი, თავის ავტობიოგრაფულ წიგნში წერს, რომ დედამისის ნატალის გარდაცვალების შემდეგ მამამ სთხოვა რომ თუკი კომაში ჩავვარდები, არ მსურს აპარატზე ვიყო მიერთებული და ხელოვნურად მინარჩუნებდნენ სიცოცხლეს, ამიტომ ასეთ შემთხვევაში გამომრთე აპარატიდანო. პრესამ ეს ყველაფერი აიტაცა როგორც ალენ დელონის სურვილი ევთანაზიის გზით დაასრულოს სიცოცხლე. პრესაში გავრცელებული ეს ინფორმაცია მაშინვე უარყო დელონის შვილმა ალან–ფაბიენმა, რომელმაც თქვა რომ პრესამ კონტექსტიდან ამოგლეჯით ამოიღო ფრაზები ენტონის წიგნიდან და რომ სინამდვილეში ალენ დელონი სულაც არ აპირებს ამგვარად დაასრულოს სიცოცხლე.
აი ეს არის სიმართლე!",-წერს, მამა პეტრე.

ასევე წაიკითხეთ:

🔵"ახალი ომიკრონი ძალიან გადამდებია და ელვისებურად ვრცელდება" – გიორგი ფხაკაძე

🔵პოლიტიკურ გადაწყვეტილებაზე საუბარი აბსურდია - ანრი ოხანაშვილი გვარამიას დაპატიმრებაზე

🔵200-ევროიან დახმარებას მიიღებს ყველა დასაქმებული, უმუშევარი, პენსიონერი, მათ შორის ოჯახში მომუშავე პირები (Golf, Badanti) და თვითდასაქმებული ადამიანები, რომლებიც ამ მთავარ კრიტერიუმს აკმაყოფილებს