"საქართველოს მესამე პრეზიდენტისადმი მოპყრობა სამარცხვინო ფურცლად დარჩება ჩვენი სახელმწიფოს ისტორიაში" - გიორგი მშვენიერაძე

„საქართველოს დემოკრატიული ინიციატივის“ ხელმძღვანელი გიორგი მშვენიერაძე სოციალურ ქსელში წერს:

"ოპოზიციისადმი დაბალი საზოგადოებრივი ნდობა ხელისუფლების მონაპოვარია.

მისმა მმართველობის ავტორიტარულმა რეჟიმმა მოახერხა ოპოზიციის ასეთ მდგომარეობაში ჩაყენება.

რომ შეგახსენოთ, მთავარი ოპოზიციური პარტიის დამფუძნებელი, საქართველოს მესამე პრეზიდენტი, პოლიტიკური მოტივებით ციხეში ზის და მისადმი მოპყრობა სამარცხვინო ფურცლად დარჩება ჩვენი სახელმწიფოს ისტორიაში.

ამავე პარტიის თავმჯდომარის მიმართ ჯერ კიდევ მიმდინარე სისხლის სამართლის საქმეა.

სისხლის სამართლის საქმეები მიმდინარეობს ლელოს 2 დამფუძნებლის მიმართ.

ამავე პარტიებს, ისევე როგორც სხვა ოპოზიციურ პარტიებს ფაქტობრივად არავინ აფინანსებს საქართველოში მოქმედი ბიზნესებიდან და ეს მაშინ, როცა ჯამურად მათი მხარდამჭერთა რაოდენობა ქვეყანაში მეტია, ვიდრე ხელისუფლების და ეს მხოლოდ ბიზნესში არსებული შიშით შეიძლება აიხსნას.

ამიტომ, ყველას უნდა გვესმოდეს, რომ ოპოზიციის ასეთ მდგომარეობაში ყოფნა ნაკლებადაა ოპოზიციის ბრალი.

ეს ავტორიტარიზმის შედეგია და ყველამ ერთად უნდა ვიფიქროთ იმაზე, როგორ უნდა დავაღწიოთ თავი ამ ჭირს", - წერს გიორგი მშვენიერაძე.

ასევე დაგაინტერესებთ:

* "არც მე ვარგივარ, არც ეგენი - საზოგადოება ხვდება რომ ივანიშვილი და მისი ოცნება შესაცვლელია, მაგრამ დღენიადაგ აწვეთებენ რომ შემცვლელი არაა" - ნიკა მელია