სასწაულებს ახერხებს ბათუმი და ბათუმელები! - რას წერს ოპოზიციონერი ომს გამოქცეულ ადამიანების დახმარებაზე

ბათუმის საკრებულოს წევრი, პარტია „ლელოს“ აჭარის ლიდერი ირაკლი კუპრაძე სოციალურ ქსელში ვრცელ სტატუს აქვეყნებს, როგორ ეხმარებიან ბათუმელები უკრაინიდან ომს გამოქცეულ ადამიანებს.

„25-ე დღეა გრძელდება უკვე უკრაინელი დევნილების დაბინავების პროცესი ბათუმში, ჩვენი და კიდევ რამდენიმე ოფისი ჰუმანიტარულ შტაბად გადაკეთდა, სადაც მოხალისეობრივად ათობით ადამიანი მუშაობს.

ბათუმელების დახმარებით ომს გამოქცეულ ადამიანებს ვთავაზობთ დაბინავებას, საკვებს, ტანსაცმელს, მედიკამენტებს, სამედიცინო მომსახურებას და ზოგიერთ შემთხვევაში დროებით სამუშაოსაც  დღეს ერთ-ერთი დიდი საერთაშორისო წარმომადგენლობიდან იყვნენ მოსული, აივანზე ვდგავარ და სიგარეტს ვეწევი.

მესმის სატელეფონო საუბარი:

- ,,სასწაული ხდება აქ, ყველაფერს ახერხებენ, თან უკვე ლამის 1 თვეა და რესურსი ჯერ კიდევ ყოფნით, უკრაინაშიც გაუგზავნიათ 2 ეტაპი ტვირთის."

როგორც ჩანს ვერ დაიჯერეს ტელეფონის მეორე მხარეს.

- ,,მართლა გეუბნები, მართლა, მართლა!"

ჰოდა, ძალიან მიხარია და ვამაყობ, რომ სასწაულებს ახერხებს ბათუმი და ბათუმელები!

ამ კაცს, გენო თებიძეს,  თავისი ასაკიც დაავიწყდა, საჭიროებებიც და ყველაფერი, მხოლოდ ამ საქმით ცხოვრობს და სასწაულებს ახდენს “, - წერს ირაკლი კუპრაძე.

ასევე საინტერესოა:

🔵 ასე უყოფენ და უგროვებენ თავის წამლებს „ტკბილი“ ბავშვები სტუმრად მყოფ უკრაინელებს - რას წერს გიორგი მანჯავიძე?

🔵 სათანადო პატივით დავხვდეთ ჩვენს გმირებს - უკრაინაში დაღუპულ მებრძოლებს სამშობლოში ხვალ ჩამოასვენებენ

🔵 „უკრაინაში სატანისტების ლიდერი კუკური ბარამიძე ჩავიდა..“ - დომენიკ მანგო რუსული ტელეარხის მიერ მისთვის მიძღვნილ სიუჟეტს ეხმაურება