სოციოლოგი: "ყველა რუსი ერთია!" არის ექსტრემისტული განცხადება

სოციოლოგი იაგო კაჭკაჭიშვილი, ფეისბუკის საკუთარ გვერდზე რუსი ეროვნების მოქალაქეების საქართველოში მასობრივ შემოდინებას და ამის ფონზე, ქართველების პროტესტს ეხმაურება:

"ფბ-ზე მასობრივად ვრცელდება შაბლონური ტექსტი, რომელიც ასე იწყება:

"მე, (სახელი და გვარი), საქართველოს მოქალაქე, ეროვნებით ქართველი, სასტიკი წინააღმდეგი ვარ, რუსი ეროვნების ადამიანის საქართველოში ლტოლვილად მიღების და საერთოდ მათ მიერ, ჩემი ქვეყნის საზღვრის გადმოკვეთის, თუნდაც ტურისტის სტატუსით და ა.შ.

არ ვარგა, მეგობრებო, ასე.

არ არის ეს ღირსეული განცხადება.

ღირსეული და რეპრესირებული ადამიანები რუსეთსაც ჰყავს და ნებისმიერი რუსის მიღებაზე კატეგორიული უარი სწორედაც, რომ ქსენოფობიაა.

ნუ გადავეშვებით მეორე უკიდურესობაში.

ამას ჯობია, მოვითხოვოთ სავიზო რეჟიმის და სამართლიანი "ფილტრების" შემოღება რუსეთიდან საქართველოში შემომსვლელებისთვის.

უნდა შევძლოთ და ერთმანეთისგან განვასხვაოთ პირობითად მიხეილ ფიშმანები და პირობითად თინა კანდელაკები.

"ყველა რუსი ერთია!" არის ექსტრემისტული განცხადება.

"მეორე რუსეთი" იმ გაგებით არ არსებობს, რომ ამ "მეორეს" სუსტი გავლენა აქვს რუსეთის საზოგადოებაზე და ფონს ვერ ქმნის, თორემ კარგი ადამიანები ყველა ქვეყანას ჰყავს, ყველამ ვიცით ეს", - წერს სოციოლოგი.

რუსეთის მოქალაქეები, რომლებიც პუტინის პოლიტიკას არ ეთანხმებიან ტოვებენ რუსეთს და სხვადასხვა ქვეყანაში მიემგზავრებიან, მათ შორის საქართველოში.

რუსეთის მოქალაქეების მასიურ შემოდინებას საქართველოში, ქართველები უმეტესად პროტესტით შეხვდნენ.

სხვა სიახლეები:

🔳 "შუა თბილისში ბომბის ჩამოგდება ახლანდელი რუსეთისთვის არანაირ მორალურ წინააღმდეგობას არ წარმოადგენს, ჩვენ უნდა ვიყოთ მზად" - დავით გადელია

🔳 "ავდგეთ და მივაქირავოთ 2008 წლის ომის მერე აშენებული სახლები დევნილთა დასახლებებში" - ფეისბუკმომხმარებელი რუს "ლტოლვილთა" ნაკადზე

🔳 "ეს "გადამფრენი ფრინველები" თუკი აქ დაიბუდებენ, უნდა გვახსოვდეს, რომ "ცივ ქვეყანაში" აღარ გაფრინდებიან, - აქ გადმოიტანენ იმ ქვეყანას!" - ბონდო მძინარაშვილი საქართველოსკენ დაძრულ "ლტოლვილების" ნაკადზე

🔳 ირინა სარიშვილი: არის ომი რუსეთში? არა! ამიტომ „რუსი ლტოლვილი“- ეს აბსურდული ტერმინი თავიდანვე გამოვრიცხოთ