„თუნდაც ერთი საათი რომ დაჰყვეს აქციაზე ეს უნდა აჩვენონ, მერე ჰპირდებიან ფულად საჩუქრებს“ - მოსწავლის მშობლის ვიდეომიმართვა

სოციალურ ქსელში ერთ-ერთი მოსწავლის მშობლის საგანგებო ვიდეომიმართვა ვრცელდება, სადაც იგი სხვა მშობლებს მიმართავს. მისი ინფორმაციით, კონკრეტული ადამიანები ბავშვებს ფულადი საჩუქრის სანაცვლოდ სთხოვენ აქციაზე გასვლას. 

„მყავს მეცხრე კლასელი შვილი, რომელთანაც გუშინ მთელი საღამო კლასელებში, პარალელურ კლასელებში ჰქონდათ მიმოწერა, რომ ოთხშაბათს არ უნდა წავიდნენ სკოლაში და უნდა წავიდნენ აქციაზე.

რა თქმა უნდა მე ვიღებ პასუხისმგებლობას, რომ ჩემი მეცხრე კლასელი გოგო არავითარ შემთხვევაში არ უნდა წავიდეს აქციაზე, არ გავუშვებ. სისულელედ მიმაჩნია, რომ ამათი გადასატრიალებელია ეს ქვეყანა.

ის ვინც წავა, კატასტროფის წინაშე დადგება, ან მართლა სახელმწიფომ, განათლების სამინისტრომ უნდა იმოქმედოს, რომ ეს ვაი პროტესტის მუხტი ჩაახშოს, ან ბავშვებს არაფრის კეთების სურვილი და სკოლაში არ წასვლის სურვილი ყოველთვის ექნება.

ჩემი მეგობრის შვილს, ცნობილი თამაშიდან, ვიღაც ადმინმა აიძულა აქციაზე მისვლა და როგორ ხდება ეს? ნებისმიერი ასაკის ბავშვს ეუბნებიან მივიდნენ აქციაზე, გადაიღონ სელფი, თუნდაც ერთი საათი რომ დაჰყვეს აქციაზე ეს უნდა აჩვენონ, მერე ჰპირდებიან ფულად საჩუქრებს. ამას აკეთებენ ბავშვები და ნურავის ჰგონია, რომ სუფთად კეთდება ყველაფერი. ძალიან დიდ სიბინძურესთან გვაქვს საქმე, ამიტომ ჩვენს შვილებს უნდა ჩავკიდოთ ხელი, რომ სულელური შედეგები არ მივიღოთ“, - ამბობს მოსწავლის მშობელი.