"დნესტრისპირეთში ააფეთქეს რადიო ანძები, რომლებიც რუსული რადიოს ტრანსლირებისთვის გამოიყენებოდა" - დაიწყო აქტიური პროვოკაციები, რაც კიდევ უფრო ცუდის მომასწავებელ სცენარზე მიუთითებს

"ააფეთქეს რადიო ანძები, რომლებიც რუსული რადიოს ტრანსლირებისთვის გამოიყენებოდა", - უკრაინული მედიის ცნობით, დნესტრისპირეთში გამთენიისას ორი აფეთქების ხმა გაისმა.

"ეს სტრატეგიული ობიექტი აშენდა საბჭოთა კავშირის დროს და მოკლეტალღური რადიო სიხშირის გადაცემისთვის გამოიყენებოდა", - აღნიშნავს გამოცემა.

განადგურებულია ერთი და 0,5 მეგავატის მქონე სიმძლავრის ანტენები.

კომპლექსი მდებარეობს სოფელ მაიაკში, გრიგორიოპოლის რაიონში, რომელიც აშენდა სპეციალურად ამ ობიექტის მომსახურებისთვის და უკრაინის საზღვრიდან დაახლოებით 10 კმ-ზე ნაკლებ მანძილზე მდებარეობს.

"აღნიშნულს ეხმაურება ფეისბუკგვერდი world military - ანალიტიკა" და წერს:

"რუსეთი აგრძელებს ცრუ დროშის ოპერაციებს მოლდოვის სეპარატისტულ დნესტრისპირეთის რეგიონში.

კერძოდ, მას შემდეგ რაც გუშინ "დაუდგენელმა" პირებმა ტირასპოლში ე.წ სახელმწიფო უშიშროების სამინისტროს შენობას ყუმბარმყორცნებიდან  რამდენჯერმე ესროლეს, დღეს აფეთქებები დაფიქსირდა რადიოგადამცემ ანძებზე, საიდანაც ხდებოდა რუსული რადიო სიხშირეების გადაცემა.

ყველაფერი დაიწყო რუსეთის თავდაცვის სამინისტროს განცხადებით, რომ უკრაინაში ოპერაციის მე-2 ფაზის მიზანი არის დონბასის რეგიონთან ერთად მთელი სამხრეთ უკრაინის დაკავება და მოლდოვის სეპარატისტულ რეგიონთან დაერთება.

რასაც მოჰყვა რუსულ და პრო-რუსულ მედიაში პროპაგანდისტული სტატიები და სიუჟეტები, სადაც ასახული იყო ინფორმაცია, თუ როგორ აპირებს რუმინეთი უკრაინასთან ერთად მაისის თვეში სამხედრო ოპერაციის ჩატარებას მოლდოვაში, მეტიც რუსული პროპაგანდის განცხადებით, რუმინული ძალები ასრულებენ საბრძოლო მზადებას, პარალელურად კი,  მოლდოვის შეირაღებულ ძალების სამეთაურო შტაბებში განთავსდნენ რუმინელი სამხედროები.

დეზინფორმაციული პროპაგანდის გავრცელების შემდეგ, დნესტრისპირეთის რეგიონში დაიწყო აქტიური პროვოკაციები, რაც კიდევ უფრო ცუდის მომასწავებელ სცენარზე მიუთითებს",- აღნიშნულია ინფორმაციაში.

ასევე დაგაინტერესებთ:

* "რუსეთის ხანძრებზე - თვალში მომხვდა მინაწერი „ღმერთი ხედავს ყველაფერს“. ანუ ღმერთი უხდის რუსეთს სამაგიეროს? ამ ლოგიკით ბუჩას ვერ ხედავდა?"

* "როგორ ეჩხირებათ ბიძინა ივანიშვილი ყელში ამ ბობოლა ნაცებს: არახამია, ადეიშვილს და ზელენსკის, ვფიქრობ, სუსს საინტერესო სამუშაო ელის წინ" - ლალი მოროშკინა