ლიეტუვაში კამპანია „დარეკე რუსეთში“ დაიწყო, რათა რუსეთის მოქალაქეებმა გაიგონ რა ხდება რეალურად უკრაინაში

ლიეტუველთა ჯგუფმა დაიწყო კამპანია სახელწოდებითα «Call Russia» (დარეკე რუსეთში). მისი მონაწილეები აპირებენ 40 მილიონი ზარის განხორციელებას რუსეთის მოქალაქეებთან, რათა მათ, უკრაინის ომის შესახებ  რეალური ინფორმაცია მიაწოდონ.  

ამისათვის მოხალისეებმა შექმნეს ვებგვერდი, საჯარო რესტრიდან ამოღებული მილიონობით რუსული ტელეფონის ნომრით.  

„როდესაც კიევში ქალს ბომბავდნენ და დედას მოსკოვში არ სჯერა, რასაც საკუთარი შვილი ეუბნება, ეს საშინელებაა. ჩვენ ვიწვევთ მსოფლიოს ყველა რუსულენოვან მოქალაქეს და არა მხოლოდ ლიტვაში მცხოვრებს, შეუერთდნენ და მიიღონ მონაწილეობა ჩვენს ინიციატივაში.

ჩვენ ვიმედოვნებთ, რომ ამ კამპანიაში ასეულობით ათასი ადამიანი მიიღებს მონაწილეობას“- ამბობს პაულუს სენუტა, რეკლამის სპეციალისტი და პროექტის ერთ-ერთი ავტორი. 

უკრაინაში რუსეთის შეჭრიდან ცამეტი დღის შემდეგ კრემლმა კიდევ უფრო  გაამკაცრა კონტროლი დამოუკიდებელ რუსულ მედიაზე. ზოგიერთი მათგანი დაიხურა, ზოგიც იძულებული გახდა პუტინის მიერ დაწესებული ახალი წესებით იხელმძღვანელოს. 

როგორც ცნობილია კრემლმა ასევე დაბლოკა წვდომა ფეისბუკსა და ტვიტერზე. 

„ეს ადამიანები სრულიად განსხვავებულ საინფორმაციო ზონაში არიან და მათ აქვთ  საპირისპირო შეხედულებები“, - ამბობს მარკეტინგის სფეროში მოღვაწე ლიეტუველი, რომელმაც უკვე 3 ზარი განახორციელა რუსეთში მის ახლობლებთან და აღნიშნავს, რომ მათთან საუბარი ძალიან რთული იყო რადგან  "ზოგჯერ ისეთი შეგრძნება მქონდა თითქოს სხვადასხვა პლანეტიდან ვიყავით"- ამბობს ის. 

ასევე საინტერესოა

🔵ომია და არ მინდა უფრო მძიმედ ვისაუბრო ბატონი ზელენსკის მიმართ - ვახტანგ გომელაური

🔵რუსი ჯარისკაცები იძულებულნი იქნებიან ან მიატოვონ აღჭურვილობა ან ისხდნენ „40 ტონიანი რკინის საყინულეებში“ - The Times

🔵 უკრაინელი ბიჭუნა, რომელმაც მსოფლიო შეძრა, მშობლებთანაა