"მხოლოდ დროის საკითხია, რუსული ჯარები როდის გადაკვეთენ ევროკავშირის ქვეყნების საზღვრებს" - ზელენსკი

"თქვენ თუ რუსეთისთვის ენერგომატარებლების საფასურის გადახდას განაგრძობთ, მაშინ მხოლოდ დროის საკითხია, რუსული ჯარები როდის გადაკვეთენ ევროკავშირის ქვეყნების საზღვრებს", – ამის შესახებ უკრაინის პრეზიდენტმა, ვოლოდიმირ ზელენსკიმ დიდი ბრიტანეთის საერთაშორისო ურთიერთობების სამეფო ინსტიტუტისადმი (Chatham House) ვიდეომიმართვისას განაცხადა.

ზელენსკის თქმით, ნებისმიერ ნაბიჯში, მათ შორის სასანქციო პოლიტიკაში, გამჭვირვალობა და პატიოსნებაა საჭირო.

"არ უნდა იყოთ ოდნავ ბოროტი და ოდნავ კეთილი.

მარჯვენა ხელით სანქციების დაწესება, ხოლო მარცხენა ხელით რუსეთთან ახალი კონტრაქტების გაფორმება, ეს ნამდვილად არ ჯდება ომის პირობებში.

ეს ფარისევლობაა.

თამაში საჭირო არაა.

თუ გესმით, რომ ამ ენერგომატარებლების გარეშე ვერ იცხოვრებთ, თქვით, რომ ამას ორ თვეში შეძლებთ, დაეთანხმეთ.

საჭირო არ არის ცალკეული ქვეყნებისთვის გამონაკლისის გაკეთება, ჩვენ ერთად უნდა ვიმოქმედოთ.

ეს არის ერთიანი ევროკავშირის მნიშვნელობა, ეს არის ფრაზა „ევროკავშირი“.

როდესაც პოლიტიკოსები ამბობენ, რომ გერმანიამდე მივაღწევთ, ეს მათი მოსაზრებებია, მათი ოცნებები.

როდესაც ევროკავშირი დასუსტდება და, ღმერთმა არ ქნას, უკრაინა დაეცემა, გერმანიაში მოვლენ.

წლების საკითხია.

მათი თაობები ამისთვის საინფორმაციო პოლიტიკით იქნება მზად და მერწმუნეთ, მათ ყველა სამარცხვინო ნაბიჯს გაამართლებს“, – აღნიშნა ზელენსკიმ ვიდეო მიმართვაში.

ასევე დაგაინტერესებთ:

📍ბათუმის საპროტესტო აქციაზე პოლიციელებმა კარვები დაშალეს