ლევან მაჭავარიანი ბრიტანეთის საელჩოზე: ისინი წუხან, თუ რატომ ვერ გასცემენ გრანტებს პირდაპირ „ნაციონალური მოძრაობის“ დანაყოფებზე. „საუბარია, „ტაბულაზე“ და მსგავსი ტიპის ორგანიზაციებზე

 „ისინი წუხან, თუ რატომ ვერ გასცემენ გრანტებს პირდაპირ „ნაციონალური მოძრაობის“ დანაყოფებზე. მოდით, ჩავიხედოთ, ვისზე არის საუბარი“, - განაცხადა პარლამენტის ფრაქცია „ქართული ოცნების“ თავმჯდომარის მოადგილემ ლევან მაჭავარიანმაბრიტანეთის საელჩოს გრანტების თემაზე საუბრისას.

მისივე თქმით, საუბარია, იმ ფიგურებისგან შემდგარ გარკვეულ „ენჯეოებზე“, რომლებიც პირდაპირ „ნაციონალური მოძრაობის“ საპარლამენტო გამსვლელ სიაში არიან მოხვედრილები.

„საუბარია, „ტაბულაზე“, რომელიც არ ვიცი, დეზინფორმაციისა და შუღლის გაღვივების გარდა თუ რაიმეს ემსახურება - მოქალაქეებმა თავად განსაჯონ, და მსგავსი ტიპის ორგანიზაციებზე.

თუ ყველაფერი რიგზეა, თუ ყველაფერი ისე ჰქონდათ და იმგვარი დაფინანსებები ჰქონდათ გაცემული, რომ კითხვის ნიშანი საერთოდ არ უნდა არსებობდეს, მაშინ მათსავე ინტერესში შედის, რომ გაასაჯაროონ და ჩვენს საზოგადოებას დაუმტკიცონ ის, რომ ჩვენი რაღაცაზე დაფუძნებული ეჭვები არის მცდარი. მაგრამ, ვინაიდან ისინი დუმილის რეჟიმში არიან, რა თქმა უნდა, ჩვენ გვაქვს საფუძვლიანი ეჭვი, ვიფიქროთ საპირისპირო - ეს ყველაფერი მათივე რეპუტაციას აკნინებს ჩვენი საზოგადოების თვალში“, - აცხადებს ლევან მაჭავარიანი.