უკრაინის შეიარაღებული ძალების სამხედრო თვითმფრინავის ჩამოვარდნის შედეგად 5 სამხედრო დაიღუპა

უკრაინის ხელისუფლება სამხედრო თვითმფრინავის ჩამოვარდნის შესახებ იტყობინება.

სააგენტო UNIAN-ის ცნობით არის მსხვერპლი.

"უკრაინის საგანგებო სიტუაციების სახელმწიფო სამსახური იტყობინება, რომ უკრაინის შეიარაღებული ძალების ობუხოვის სამხედრო თვითმფრინავი კიევის რეგიონში, სოფლებს ჟუკივცისა და ტრიპილიას შორის ჩამოვარდა.

ავიაკატასტროფას ხუთი ადამიანი შეეწირა", - აღნიშნავს გამოცემა.

რუსეთის პრეზიდენტმა ვლადიმერ პუტინმა დონბასში „სპეციალური სამხედრო ოპერაციის“ ჩატარების გადაწყვეტილება მაინც მიიღო. 24 თებერვალს გამთენიისას, რუსეთი უკრაინაში შეიჭრა და ომი დაიწყო.

ამის შემდეგ უკრაინის პრეზიდენტმა ვოლოდიმირ ზელენსკიმ ქვეყანაში საომარი მდგომარეობა გამოაცხადა.

ამასთან, უკრაინის ხელისუფლებამ უსაფრთხოების ზომებიდან გამომდინარე, სამოქალაქო ფრენებისთვის, საჰაერო სივრცე დახურა.

CNN შინაგან საქმეთა სამინისტროზე დაყრდნობით იტყობინება, რომ ასევე განხორციელდა სარაკეტო დარტყმები.

ცნობისთვის, რუსეთის პრეზიდენტმა, ვლადიმერ პუტინმა ოკუპირებული დონეცკისა და ლუგანსკის ე.წ. „დამოუკიდებლობა“ 21 თებერვალს აღიარა, რის შემდეგაც რუსეთმა უკრაინის ოკუპირებულ რეგიონებთან ე.წ. „დიპლომატიური ურთიერთობები“ დაამყარა. რუსეთის პარლამენტის ზედა პალატამ კი ვლადიმერ პუტინს რუსეთის ფარგლებს გარეთ შეიარაღებული ძალების გამოყენებაზე თანხმობა მისცა.

ამავე თემაზე:

⬛ მაქსიმ გალკინი: ომის გამართლება არ შეიძლება! არავითარი ომი!

⬛ რუსმა სამხედროებმა ბრძოლით გაარღვიეს უკრაინის საზღვარი და კიევის ოლქში შევიდნენ

⬛ EuropaToday - “ის რაც ხდება უკრაინაში უკვე მოხდა საქართველოში! ვინ იქნება შემდეგი?”

⬛ UEFA ჩემპიონთა ლიგის ფინალს რუსეთში აღარ გამართავს

⬛  სალომე ზურაბიშვილი რიგგარეშე სხდომის მოწვევის საკითხს ხელს მოაწერს