მაქსიმ გალკინი: ომის გამართლება არ შეიძლება! არავითარი ომი!

რუსეთს ფედერაციის მიერ 24 თებერვალს დაწყებულ სამხედრო აგრესიას უკრაინის წინააღმდეგ, არაერთი ცნობილი რუსი ვარსკვლავი გამოეხმაურა.

მათ შორისაა ტელეწამყვანი მაქსიმ გალკინი, რომელიც აღნიშნულ ომს ეწინააღმდეგება.

"დილიდან უკრაინელ ნათესავებთან და მეგობრებთან მაქვს ურთიერთობა!

სიტყვებით ვერ გამოვხატავ რას ვგრძნობ!  როგორ შეიძლება ეს ყველაფერი!

ომის გამართლება არ შეიძლება! არავითარი ომი!" - წერს ტელეწამყვანი მაქსიმ გალკინი.

რუსეთის პრეზიდენტმა ვლადიმერ პუტინმა დონბასში „სპეციალური სამხედრო ოპერაციის“ ჩატარების გადაწყვეტილება მაინც მიიღო. 24 თებერვალს გამთენიისას, რუსეთი უკრაინაში შეიჭრა და ომი დაიწყო. 

ამის შემდეგ უკრაინის პრეზიდენტმა ვოლოდიმირ ზელენსკიმ ქვეყანაში საომარი მდგომარეობა გამოაცხადა.

ამასთან, უკრაინის ხელისუფლებამ უსაფრთხოების ზომებიდან გამომდინარე, სამოქალაქო ფრენებისთვის, საჰაერო სივრცე დახურა.

CNN შინაგან საქმეთა სამინისტროზე დაყრდნობით იტყობინება, რომ ასევე განხორციელდა სარაკეტო დარტყმები.

ცნობისთვის, რუსეთის პრეზიდენტმა, ვლადიმერ პუტინმა ოკუპირებული დონეცკისა და ლუგანსკის ე.წ. „დამოუკიდებლობა“ 21 თებერვალს აღიარა, რის შემდეგაც რუსეთმა უკრაინის ოკუპირებულ რეგიონებთან ე.წ. „დიპლომატიური ურთიერთობები“ დაამყარა. რუსეთის პარლამენტის ზედა პალატამ კი ვლადიმერ პუტინს რუსეთის ფარგლებს გარეთ შეიარაღებული ძალების გამოყენებაზე თანხმობა მისცა.

ამავე თემაზე სიახლეები:

⬛ UEFA ჩემპიონთა ლიგის ფინალს რუსეთში აღარ გამართავს

⬛ რუსულ საფონდო ბირჟაზე რეკორდული ვარდნაა - კომპანიებმა 250 მილიარდი დოლარით იზარალეს

⬛ “რუსული პროდუქტების სრული ბოიკოტი! არავითარი უვიზო მიმოსვლა რუსებისთვის“ - გიორგი ფხაკაძე