ბაიდენი პუტინს უკრაინის საზღვრებთან სიტუაციის დეესკალაციისკენ მოუწოდებს

ამერიკის შეერთებული შტატების პრეზიდენტმა რუსეთის პრეზიდენტს, უკრაინის საზღვრებთან სიტუაციის დეესკალაციისკენ კიდევ ერთხელ მოუწოდა.

წინააღმდეგ შემთხვევაში ჯო ბაიდენი, ვლადიმერ პუტინს გადამწყვეტი ნაბიჯებით დაემუქრა.

თეთრი სახლის მიერ გავრცელებულ განცხადებაში, ნათქვამია, რომ ბაიდენისა და პუტინის სატელეფონო მოლაპარაკება 50 წუთს გაგრძელდა. 

„რუსეთის პრეზიდენტთან საუბარში ჯო ბაიდენმა მკაფიოდ განაცხადა, რომ აშშ, მისი მოკავშირეები და პარტნიორები გადამწყვეტ პასუხს გასცემენ რუსეთს, თუ ის კიდევ შეიჭრება უკრაინაში. ბაიდენმა ასევე მხარი დაუჭირა დიპლომატიურ მოლაპარაკებებს, რომელიც მომავალ წელს დაიწყება ორმხრივი სტრატეგიული დიალოგით, ნატო-ში, ნატო-რუსეთის საბჭოსა და ეუთოში. აშშ-ის პრეზიდენტმა გაიმეორა, რომ არსებითი პროგრესი ამ დიალოგში შესაძლებელია მხოლოდ დეესკალაციის პირობებში და არა ესკალაციის შემთხვევაში“, – ნათქვამია  განცხადებაში.

კრემლში აცხადებენ, რომ ბაიდენმა პუტინთან საუბარში განაცხადა, რომ ბირთვული ომის დაწყება დაუშვებელია.

„მნიშვნელოვანია, რომ პრეზიდენტმა ბაიდენმა რამდენჯერმე გაუსვა ხაზი, რომ ბირთვული ომის დაწყება არ შეიძლება, ასევე, რომ ამ ომის მოგება შეუძლებელია“, – აღნიშნულია  რუსეთის პრეზიდენტის თანაშემწის  გავრცელებულ ინფორმაციაში.

იური უშაკოვის თქმით, ბაიდენმა ასევე ხაზი გაუსვა, რომ „რუსეთს და აშშ-ს შეუძლიათ გადამწყვეტი როლი შეასრულონ მშვიდობის უზრუნველყოფის ძალისხმევაში, როგორც ევროპაში, ისე პლანეტის სხვა ადგილებში“.

ასევე საინტერესოა:

🔵 საქართველოში მიწისძვრა მოხდა

🔵 “კარგად დაიმახსოვრეთ რასაც ახლა გეტყვით” – მამა გაბრიელის 12 რჩევა, რომელიც ყველამ უნდა იცოდეს

🔵 მოხუცი ბებო, მზრუნველი მეზობლები და კარს მომდგარი ახალი წლის ისტორია