ევროკავშირმა რუსეთს სანქციები გაუხანგრძლივა

ევროკავშირმა რუსეთს უკრაინის სამშვიდობო შეთანხმების შეუსრულებლობის გამო სანქციები გაუხანგრძლივა.

ევროკავშირმა  გაახანგრძლივა ეკონომიკური სანქციები რუსეთის წინააღმდეგ უკრაინაში სამშვიდობო შეთანხმებისადმი ნაკისრი ვალდებულებების შეუსრულებლობის გამო, იმ ფონზე, რომ მოსკოვი  მეზობელ ქვეყანაში შეჭრისთვის ემზადება.

ინფორმაციას apnews.com ავრცელებს.

მათივე ცნობით, ზომები მიზნად ისახავს რუსეთის ფინანსურ, ენერგეტიკულ და თავდაცვის სექტორებს, ასევე საქონელს, რომელიც შეიძლება გამოყენებულ იქნას როგორც სამოქალაქო, ასევე სამხედრო მიზნებისთვის. 

ეს ზომები იმ სანქციების ნაწილია, რომელიც რუსეთს 2014 წელს დაუწესა მას შემდეგ, რაც მან უკრაინის ყირიმის ნახევარკუნძულის ანექსია მოახდინა და დაკავშირებულია 2015 წლის მინსკის სამშვიდობო შეთანხმებასთან. ევროკავშირმა განაახლა სანქციები, რომლებიც ძალაში დარჩება სულ მცირე 31 ივლისამდე, რადგან რუსეთმა „სრულიად არ შეასრულა“ სამშვიდობო შეთანხმება.

ეს ნაბიჯი ზღუდავს რუსული ბანკებისა და კომპანიების წვდომას ევროკავშირის კაპიტალის ბაზრებზე და აკრძალავს ფინანსურ დახმარებას ან შუამავლობას რუსული ფინანსური ინსტიტუტებისთვის. ის აჩერებს თავდაცვის აღჭურვილობის ყველა იმპორტს, ექსპორტს ან ტრანსფერს და ზღუდავს რუსეთის წვდომას ნავთობის წარმოებაში გამოყენებულ ზოგიერთ „სენსიტიურ“ ტექნოლოგიაზე.

აღმოსავლეთ უკრაინაში უკრაინის ჯარებსა და რუსეთის მიერ მხარდაჭერილ სეპარატისტებს შორის შეტაკებას 14 000-ზე მეტი ადამიანი ემსხვერპლა.

ასევე საინტერესოა:

🔵 ჭოლა, როგორც აქამდე, ახლაც მიიღებს მონაწილეობას კონკურსში - მარჯანიშვლის თეატრი

🔵 პაციენტების რაოდენობა ბავშვთა კლინიკებში წინა კვირასთან შედარებით ორჯერ გაიზარდა

🔵 წმინდა სინოდის, ეპისკოპოსი ზენონ იარაჯული ბრიტანეთში დევნილად ჩაბარდა - პეტრე კოლხი