იტალიელმა ეპისკოპოსმა ბავშვებს უთხრა, რომ სანტა არ არსებობს

იტალიის კათოლიკური ეკლესია ბოდიშს უხდის მშობლებს ერთ-ერთი სასულიერო პირის განცხადების გამო, რომელმაც ბავშვებს უთხრა, რომ სანტა კლაუსი არ არსებობს, - ამის შესახებ quotidiano.net წერს.

გასულ კვირას, ეპისკოპოსმა ანტონიო სტალიანომ, რელიგიურ ღონისძიებაზე განაცხადა, რომ სანტას წითელი ტანსაცმელი მხოლოდ Coca-Cola-ს მიერ შერჩეული იმიჯია, რასაც მშობლების აღშფოთება მოჰყვა.

საეკლესიო პირები განმარტავენ, რომ მას მხოლოდ შობის ჭეშმარიტი მნიშვნელობის ხაზგასმა სურდა.

მისივე თქმით, მსგავსი კომენტარებიი მიზნად ისახავდა წმინდა ნიკოლოზის ისტორიის ხაზგასმას, რომელიც ღარიბებისთვის საჩუქრების გადაცემითაა ცნობილი და თოვლის ბაბუის ფიგურის საწყისი შთაგონების წყარო იყო.

„პირველ რიგში, ეპისკოპოსის სახელით გამოვხატავ მწუხარებას ამ განცხადების გამო, რომელმაც იმედგაცრუება გამოიწვია პატარებში და მინდა დავაკონკრეტო, რომ სტალიანოს განზრახვები სრულიად განსხვავებული იყო“, - დაწერა, მეუფე პაოლინომ ეპარქიის ფეისბუკ გვერდზე.

ამასთან, პაოლინომ განმარტა, რომ ეპისკოპოსს სურდა,  ბავშვები დაფიქრებულიყვნენ "შობის მნიშვნელობაზე".

გაზეთ La Repubblica-სთვის მიცემულ ინტერვიუში ეპისკოპოსმა თქვა, რომ მას არ უთქვამს ბავშვებისთვის, თითქოს სანტა არ არსებობდა, მაგრამ საჭირო იყო "სცოდნოდათ განასხვავება რეალურსა და არარალურს შორის".

ასევე დაგაინტერესებთ:

🔵სალომე ზურაბიშვილს ქვეყანაში პოლიტიკური კრიზის განმუხტვაში მართლაც შეუძლია მნიშვნელოვანი როლის შესრულება - რომან გოცირიძე

🔵ტრაგედია იტალიაში - არიან დაშავებულები და გარდაცვლილები (ვიდეო)

🔵უმაღლეს დონეზე შემიძლია ემოციების კონტროლი - თაკო ჩარკვიანი