„ზიმბაბვეში წითელა არავაქცინირებულ ბავშვებს კლავს“ - „ანადოლუ“

სააგენტო „ანადოლუ“ აქვეყნებს სატატიას სათაურით - „ზიმბაბვეში წითელა არავაქცინირებულ ბავშვებს კლავს“,  რომელშიც ბავშვების იმუნიზაციის პრობლემაზეა საუბარი.

სააგენტოს ცნობით, სხვადასხვა ეკლესიის მრევლი ხალხმრავალ რიტუალებს არ ერიდება და ხშირად, მათში ბავშვებსაც რთავს. შედეგად, ინფექცია სულ უფრო ვრცელდება და მას არავაქცინირებული ბავშვები ეწირებიან.

„ბავშვები დაიღუპნენ, დიახ, მაგრამ ამას არანაირი კავშირი არ აქვს წითელასთან. ისინი არიან ბოროტი სულები, რომლებიც თავს დაესხნენ ჩვენს შვილებს“, - განუცხადა „ანადოლუს“ ნელისივა მლამბომ, რვა შვილის დედამ და ბოჩას ეკლესიის მრევლმა.

ქალს თავად გარდაეცვალა შვილი, რომელსაც ჰქონდა სიმპტომები - სიცხე, ცხვირიდან გამონადენი, ხველა, წითელი და წყლიანი თვალები და პატარა ლაქები ლოყებზე. „მაშინაც კი, როცა ზოგიერთმა ადამიანმა ქალს უთხრა, რომ ეს წითელას ადრეული სიმპტომები იყო, ის ამტკიცებდა, რომ ბავშვს კუდიანი შეუჩნდა“, - წერს „ანადოლუ“.

საბოლოოდ, ბავშვის სიმპტომები გაუარესდა, გამონაყარი სხეულზე გავრცელდა, დაეწყო ძლიერი დიარეა და დეჰიდრატაცია. საბოლოოდ, გოგონა გარდაიცვალა.

Reuters-ის ცნობით, მიმდინარე წლის აპრილიდან აგვისტომდე, ზიმპაბვეში წითელას 80 ბავშვი ემსხვერპლა.

ასევე დაგაინტერესებთ:

🔵საშინელი ტრაგედია რაჭაში - ანსამბლ „ძირიანის“ წევრი ნიკა გაგნიძე და მისი ძმა ავარიის დროს ხევში გადაიჩეხნენ და დაიღუპნენ

🔵"წლებია საშინელ დეპრესიას ვებრძვი, მიუხედავად იმისა რომ არ მეტყობა, ძალიან ცუდად ვარ" - რაზე წერს გივიკო დიდია

🔵"საქართველოსნაირი უიღბლო ქვეყანა იშვიათია" - რას წერს ხათუნა ლაგაზიძე