მამუკა ხაზარაძე: „სოფლებში ადამიანებს არ აქვთ წყალი, ბუნებრივი აირი, გზა“

სამტრედიის მუნიციპალიტეტის, სოფელ დაფნარში ისევე, როგორც  სხვა სოფლებში არ არის საბავშვო ბაღები, რის გამოც ბავშვები მოკლებულნი არიან საშუალებას საკუთარ სოფლებში მიიღონ განათლება - ამის შესახებ პარტია „ლელოს“ ლიდერები საუბრობენ.

მათი ინფორმაციით, მუნიციპალიტეტის გამგეობა მათ სხვა სოფლების საბავშვო ბაღებში ტრანსპორტირებას სთავაზობს, თუმცა მშობლები უსაფრთხოების და პანდემიის გამო უარს ამბობს.

„დაფნარი სკოლის გარეშეც არის დარჩენილი. სოფელში, სადაც 700-მდე მოსახლეა ისტორიული სკოლა, რომელშიც აკაკი შანიძე სწავლობდა დაანგრიეს“, - აცხადებს პარტიის ლიდერი მამუკა ხაზარაძე.

მისი თქმით, სოფლებში ადამიანებს არ აქვთ წყალი, ბუნებრივი აირი, გზა.

„ჩვენ ბოლომდე უნდა ვიბრძოლოთ. ხელისუფლება უნდა ვაიძულოთ, რომ გააკეთოს ის რაც თქვენ გჭირდებათ, სოფლებში ადამიანებს არ აქვთ წყალი, ბუნებრივი აირი, გზები. თქვენს სოფელს არ აქვს სკოლა და ბაღი, ეს წარმოუდგენელია. არ გაჩერდეთ, არ დანებდეთ და ერთად ყველაფერი გამოგვივა, ლელო და ჩვენი ყველა წევრი თქვენს გვერდით იდგება ბოლომდე, სანამ არ მივაღწევთ წარმატებას" - აღნიშნავს ხაზარაძე.

პარტიის პრესსამსახურის ინფორმაციით, ლელოს ლიდერი სოფელ ნოღაშიც ჩავიდა, სადაც სავალალო მდგომარეობაში მყოფი აკაკი შანიძის სახლ-მუზეუმის წინაშე არსებულ პრობლემებს გაეცნო.

ასევე საინტერესოა:

🔵 „ჩემი ბავშვობა დამთავრდა….“ - ტელეწამყვანი თათია შარანგია სოციალურ ქსელში ემოციურ პოსტს აქვეყნებს

🔵 „მე აყვანილ ბავშვს ვზრდი... მიუხედავად იმისა რომ გოგონას აყვანის მერე მეორე ბავშვი გაგვიჩნდა, პირველი შვილისგან არ ვასხვავებთ“ - სოციალურ ქსელში ემოციური პოსტი ქვეყნდება

🔵 საქართველოს რაგბის ეროვნული ნაკრები რუსეთის ეროვნულ 7-კაცა ნაკრებს ქუთაისში მეგობრულ შეკრებაზე უმასპინძლებს