აპრილიდან მედიკამენტების გამოწერის წესი იცვლება

ჯანდაცვის სამინისტროს ინფორმაციით, აპრილიდან მედიკამენტების გამოწერის წესი იცვლება.

მათივე ცნობით, ამ მიმართულებით უწყებას სამოქმედო გეგმა აქვს შემუშავებული. როგორც ჯანდაცვის მინისტრმა განაცხადა, მნიშვნელოვანია, რომ არ მოხდეს მიკერძოებულად ან ჭარბი რაოდენობით მედიკამენტების გამოწერა. პრესრელიზს მინისტრის განცხადებების შესახებ თავად უწყება ავრცელებს.

„პირველი ეტაპი იყო თურქეთის ბაზრის გახსნა. მომდევნო ნაბიჯია ელექტრონული რეცეპტების სავალდებულო რეგისტრაცია, რომელიც ძალაში 1-ლი მარტიდან შევიდა. ამით, ჩვენს ბაზაში ვხედავთ, ვინ რა მედიკამენტს წერს, ასევე, რა მედიკამენტს გასცემს ფარმაცევტი. ანალიზის საფუძველზე, ვიღებთ იმ ინფორმაციას, რომელიც დაგვეხმარება ბაზრის უფრო მეტად დარეგულირებაში; იმის გაკონტროლებაში, რომ არ მოხდეს მიკერძოებულად ან ჭარბი რაოდენობით მედიკამენტების გამოწერა.

ჩვენი გეგმის მომდევნო ეტაპზე, აპრილიდან მხოლოდ ჯენერიკული მედიკამენტების გამოწერა იქნება შესაძლებელი. ექიმი ვერ მიუთითებს კონკრეტულ ბრენდს. ამით მომხმარებელს ექნება შესაძლებლობა, თავისი სურვილის მიხედვით მიიღოს გადაწყვეტილება და არ შეიძინოს რომელიმე ქვეყნის წარმოებული, ან კონკრეტული ბრენდის მედიკამენტი.

ყველა ეს ეტაპი წლის ბოლომდე უნდა გავიაროთ. საბოლოოდ, მივიღებთ კარგად დარეგულირებულ, გამჭვირვალე ფარმაცევტულ ბაზარს, რაც აუცილებლად აისახება ფარმაცევტული პროდუქციის ხარისხსა და ხელმისაწვდომობაზე“,- განაცხადა ზურაბ აზარაშვილმა.

ასევე საინტერესოა:

🔷 „მართალია, ჯერ ისევ ჩვენს მიწაზე დგას ოკუპანტი, მაგრამ დატაცებული მიწების უკან დაბრუნება მხოლოდ დროის საკითხია და გჯეროდეთ, ეს დრო ახლოსაა!“ - ლელა კაკულია

🔷 ვოლოდიმირ ზელენსკიმ დაჭრილები მოინახულა და დააჯილდოვა

🔷 მეუფე სპირიდონი: უკრაინა, რუსეთი და ბელარუსი გაერთიანდება – შედგება დიდი წმინდა რუსეთი