„ჩვენ ვართ „ქართული ოცნება“, ვინც რუსეთს მოუგო პროცესები ჰააგასა და სტრასბურგში, ყველანაირი რისკი გადავაზღვიეთ და რუსეთს დაერქვა ოკუპანტი“ - ლევან მაჭავარიანი

„ჩვენ ვართ „ქართული ოცნება“, ვინც რუსეთს მოუგო პროცესები ჰააგასა და სტრასბურგში, ჩვენ ყველანაირი რისკი, რა თქმა უნდა, გადავაზღვიეთ და რუსეთს დაერქვა ოკუპანტი“, - ამის შესახებ ფრაქცია „ქართული ოცნების“ თავმჯდომარის მოადგილემ ლევან მაჭავარიანმა განაცხადა.

დეპუტატის თქმით, ყველანაირი გადაწყვეტილების მიღება, რაც ეხება ქვეყანას მიიღება საქართელოშივე.

„ჩვენ ვართ „ქართული ოცნება“, ვინც რუსეთს მოვუგეთ პროცესები ჰააგაში და სტრასბურგში და რაც  „ნაცმოძრაობამ“ ჩვენს გმირ სამხედროებს დააბრალა ის, რომ თითქოს ომის დანაშაულები ჩაიდინეს, თითქოს ომი მათ დაიწყეს, ეს ყველანაირი რისკი, რა თქმა უნდა, ჩვენ გადავაზღვიეთ და რუსეთს დაერქვა ოკუპანტი.

შესაბამისად, მანამდე ჩვენ ამ ქმედებას ვერ დავიწყებდით. თან იყო რაღაც გარემოებები - თავს მოხვეული კოჰაბიტაცია და რამდენიმე მიზეზები, სადაც ანგარიშის გაწევა გვიწევდა გარე ძალების მიმართ.

3 წლის განმავლობაში ყველა ვაკვირდებით, ყველანაირი გადაწყვეტილების მიღება, რაც ეხება ჩვენს ქვეყანას ხდება საქართელოშივე.

ამას აქვს 2 დატვირთვა - ერთი ის, რომ სამართლებრივი შეფასება მიეცეს ამ ყველაფერს და დაუსჯელი არავინ არ დარჩეს, ის 9 წლის რეჟიმის შემოქმედები და გაირკვეს თუ რატომ აღმოგვაჩინეს რუსეთთან ომში, რატომ გადააბარეს ტერიტორიები, რატომ შეუცვალეს კოდორს სტატუსი. დანარჩენი ადამიანების უფლებების დარღვევა და ჩაგვრა, რასაც სტრასბურგის სასამართლომაც იგივე კვალიფიკაცია მიანიჭა ესეც, რა თქმა უნდა, დაუსჯელი არ უნდა დარჩეს“, - აღნიშნავს მაჭავარიანი.