დასტურდება პოსტტრავმული სტრესული აშლილობის სინდრომი - ექიმი სააკაშვილზე

ცენტრ „ემპათიას“ ექსპერტთა ჯგუფის წარმომადგენლები გორის სამხედრო ჰოსპიტალში შევიდნენ. ჰოსპიტალში „ემპათიას“ ხელმძღვანელ მარიამ ჯიშკარიანთან ერთად ორი ექიმი იმყოფება.

ისინი ადგილზე გაეცნობიან, რა სამედიცინო მომსახურება გაეწია მიხეილ სააკაშვილს და როგორია მისი მდგომარეობა.

ჯიშკარიანის თქმით, მიხეილ სააკაშვილს ესაჭიროება სტაციონარული მკურნალობა ადეკვატურ მულტიპროფილურ კლინიკაში, სადაც ნეიროფსიქოლოგიური კონსულტაციის შესაძლებლობაც იქნება.

„გრძელდება ფსიქო-ნევროლოგიური გამოკვლევა, რადგან ერთი დღე საკმარისი არ იყო. წინასწარი შედეგებით რაც შეგვიძლია, გითხრათ, დასტურდება პოსტტრავმული სტრესული აშლილობის სინდრომი, რაც კავშირში არის ციხეთა სისტემაში წამების ფაქტთან. არის ნევროლოგიური სიმპტომატიკა. ვერნიკეს ენცეფალოპათიაზეა საუბარი, რომელიც გახლავთ შიმშილობის შედეგი. პაციენტი საჭიროებს სტაციონარულ მულტიდისციპლინურ მკურნალობა-რეაბილიტაციას. სასამართლო პროცესზე მის დასწრებასთან ჩვენი შესვლა არაა კავშირში. ჩვენ ვახდენთ დოკუმენტირებას მისი უფლებრივი მდგომარეობის დარღვევების და იმ შედეგების, რაც გამოიწვია შიმშილობამ და წამებამ. ცენტრ „ემპათიას“ ორი დასკვნა უკვე გაკეთებული გვაქვს. რაც შეეხება სასამართლო პროცესს, ამაზე გადაწყვეტილებას თვითონ მიიღებს. მას არ აღენიშნება იმდაგვარი ფსიქიკური აშლილობა, რომ ვერ წარდგეს სასამართლო პროცესზე. ჩვენი აზრით, საქართველოს ციხეთა სისტემაში მისი ყოფნა დაუშვებელია. არ არის შესაბამისი გარანტიები, ადეკვატური მკურნალობა-რეაბილიტაციის შესაძლებლობა. მას ესაჭიროება სტაციონარული მკურნალობა ადეკვატურ მულტიპროფილურ, მულტიდისციპლინურ კლინიკაში, სადაც ასევე იქნება ნეიროფსიქოლოგიური კონსულტაციის შესაძლებლობა“, – განაცხადა მარიამ ჯიშკარიანმა.

ამავე თემაზე:
🔵საქართველოს მესამე პრეზიდენტი ხვალინდელ სასამართლო პროცესზე დასწრებას შეძლებს - პირადი ექიმი

ასევე დაგაინტერესებთ:

🔵დეპუატატი სამშობიაროდ საკუთარი ველოსიპედით გაემგზავრა

🔵იტალიაში მოღვაწე პირველი ქართველი დიპლომატისა და ხელოვანის, გიორგი აფხაზის ხსოვნას, საქართველოს დელეგაციის წევრებმა და დიპლომატიურმა კორპუსმა, პატივი მიაგეს