განსაკუთრებით ყურადღებით, ფრთხილად უნდა ვიყოთ. პირველ რიგში, ეს ეხება 50 წელს გადაცილებულ მოსახლეობას - ივანე ჩხაიძე კორონავირუსის მუტაციაზე

კორონავირუსის ახალი შემთხვევების გამო, 50 წელს გადაცილებული მოსახლეობისთვის ვაქცინაციის პროცესის გააქტიურება რეკომენდაციას წარმოადგენს, - ამის შესახებ განაცხადა იმუნიზაციის ტექნიკურ მრჩეველთა ეროვნული ჯგუფის ხელმძღვანელმა, ივანე ჩხაიძემ.

„მომდევნო პერიოდისთვის ჩვენ განსაკუთრებით ყურადღებით, ფრთხილად უნდა ვიყოთ. პირველ რიგში, ეს ეხება 50 წელს გადაცილებულ მოსახლეობას. მათთვის კორონავირუსის მუტაციაც კი, რომელიც მძიმე მიმდინარეობით არ გამოირჩევა, რისკს წარმოადგენს. რეკომენდაციაა სწორედ, ამ ასაკობრივ ჯგუფში ვაქცინაციის პროცესის გააქტიურებასთან დაკავშირებით. ეს იქნება ახლა წინაპირობა იმისი, რომ იმუნიტეტი ინდუცირებული, დამატებითი მესამე დოზის შემდეგ, იქნება მომდევნო 6 თვის განმავლობაში პრაქტიკულად გარანტირებული დაცვა დამძიმებული მდგომარეობის, საავადმყოფოში მოხვედრისა და გართულებების თავიდან აცილების თვალსაზრისით“, - განაცხადა ჩხაიძემ.

დაავადებათა კონტროლის ცენტრის მიერ გამოქვეყნებული მონაცემების მიხედვით, 3 ივლისიდან 10 ივლისის ჩათვლით, საქართველოში კოვიდინფიცირების 5 154 ახალი შემთხვევა გამოვლინდა, გამოჯანმრთელდა 2338 ადამიანი, 3 პაციენტი კი გარდაიცვალა. 3 310 შემთხვევა გამოვლინდა თბილისში.

სულ ჩატარდა 63 659 ტესტი, რაც შეეხება დადებითობის მაჩვენებელს, ის 8,10%-ს შეადგენს.

ასევე დაგაინტერესებთ:

🔵მამამ შვილთან კამათისას სანადირო თოფიდან გაისროლა და შემთხვევით მეორე შვილი დაჭრა

🔵ლაგოდეხის მთებში გარდაცვლილი კაცი იპოვეს

🔵„ნაციონალურმა მოძრაობამ“ არ გაგვაბრაზოს, თორემ ერთი დაძახება და მთელი საქართველო გამოვა „ქართული ოცნების“ კი არა, საქართველოს დასაცავად - ქეთი დოლიძე