კონსტანტინე ზარნაძე: როდესაც მოვდივარ მოქალაქე, მინდა მემორიალი შევამკო ყვავილებით და ამის უფლებას არ მაძლევენ, იგინებიან, ამაზე დიდი სირცხვილი არაფერია

 „როდესაც მოვდივარ, მოქალაქე და მინდა, რომ ეს მემორიალი შევამკო ყვავილებით, სანთელი დავანთო და ამის უფლებას არ მაძლევენ, იფურთხებიან, იგინებიან, უზრდელობენ, ათას სიბინძურეს კადრულობენ, ამაზე დიდი სირცხვილი არაფერია“, - ამის შესახებ 9 აპრილის მემორიალთან მისულმა გლდანის რაიონის მაჟორიტარმა დეპუტატმა კონსტანტინე ზარნაძემ განაცხადა.

ზარნაძის თქმით, აქციის მონაწილეები პირველ რიგში საკუთარ თავს აყენებენ შეურაცხყოფას.

„9 აპრილის მემორიალი არ ეკუთვნის არცერთ პოლიტიკურ პარტიას. 9 აპრილის მემორიალი ეკუთვნის ამ ქვეყნის ხალხს, რომლებიც ვაფასებთ იმ ადამიანების სულებს, რომლებმაც აქ თავიანთი თავი დადეს.

მე როდესაც მოვდივარ, მოქალაქე და მინდა, რომ ეს მემორიალი შევამკო ყვავილებით, სანთელი დავანთო და ამის უფლებას არ მაძლევენ, იფურთხებიან, იგინებიან, უზრდელობენ, ათას სიბინძურეს კადრულობენ, ამაზე დიდი სირცხვილი არაფერია.

ასეთ სიბინძურეებს აკეთებენ ეს ადამიანები, რა თქმა უნდა, ამათ დონეზე არ დავეცემი და არც ერთი ჩვენი გუნდის წევრი არ დაეცემა, მაგრამ მთელი საქართველო ხედავს ეს ადამიანები რას აკეთებენ აქ.

სახეში იფურთხებოდნენ. მარტო ვარ მოსული ამდენ კაცთან, ყვავილებით ხელში და ასე იქცევიან. ეს ჩემი შეურაცხყოფა არ არის, ეს არის ამ ადამიანების შეურაცხყოფა, პირველ რიგში საკუთარ თავს აყენებენ შეურაცხყოფას“, - აღნიშნა ზარნაძემ.