ლევან მაჭავარიანი: პროპაგანდა, ბავშვებში, რა თქმა უნდა, არის წითელი ხაზი, ვისაც როგორი სექსუალური ორიენტაცია უნდა ისეთი აირჩიოს - არავის არ აინტერესებს

„ძალიან მაინტერესებს, მაგალითად, ამერიკის მხარესაც იმავეს მოუწოდებდნენ თუ არა, ვინაიდან სრულ თანხვედრაშია ჩვენი შეხედულებები ამ საკითხთან მიმართებით, ისევე, როგორც ძალიან ბევრ საკითხთან მიმართებით“, - ასე ეხმაურება ფრაქცია „ქართული ოცნების“ თავმჯდომარის მოადგილე ლევან მაჭავარიანი ევროსაბჭოს ადამიანის უფლებათა კომისრის ახალ მემორანდუმს, სადაც ევროსაბჭოს ადამიანის უფლებათა კომისრის მემორანდუმი საქართველოს ხელისუფლებას მოუწოდებს, გააუქმოს გამჭვირვალობის შესახებ და ლგბტ პროპაგანდის წინააღმდეგ კანონები.

როგორც დეპუტატის აცხადებს, ანტი ლგბტ პროპაგანდასთან დაკავშირებული კანონის მიღება მოსახლეობის დაკვეთა იყო.

„ანტი ლგბტ პროპაგანდა კანონის მიღება იყო ჩვენი მოსახლეობის აბსოლუტური უმრავლესობის დაკვეთა და კიდევ ერთხელ შევახსენებ ჩვენ საზოგადოებას, ამ შემთხვევაშია არ ვგულისხმობ მხოლოდ „ქართული ოცნების“ მხარდამჭერებს, ვგულისხმობ მთლიანად საქართველოს მოსახლეობას, ახლა გამონაკლისის სახით შეიძლება იყოს 5-10% მაქსიმუმ. ვინაიდან ყველა ხედავს როგორი გამოწვევებია მსოფლიოში.

უკაცრავად და ვისაც როგორი სექსუალური ორიენტაცია უნდა, ისეთი შეუძლია აირჩიოს, სახლში რაც უნდა ის აკეთოს - არავის არ აინტერესებს. პროპაგანდა, ბავშვებში, რა თქმა უნდა, არის წითელი ხაზი. სამწუხაროდ, შეგნებულად არ ჩამოვთვლი ძალიან წარმატებულ ქვეყნებს, ევროკავშირის წერ ქვეყნებსაც, სადაც აქტიური პროპაგანდა მიმდინარეობს ბავშვებშიც“, - აღნიშნავს მმართველი გუნდის დეპუტატი.