ლევან მახაშვილი: ახალი რეგულაციების შემოღება საზოგადოების დეზინფორმაციისგან და უცხოური ჩარევებისგან დაცვას ემსახურება

პარლამენტის ევროპასთან ინტეგრაციის კომიტეტის თავმჯდომარის ლევან მახაშვილის განცხადებით, ახალი რეგულაციების შემოღება საზოგადოების დეზინფორმაციისგან და უცხოური ჩარევებისგან დაცვას ემსახურება.

მისი თქმით, საქართველო დღეს სრულიად სხვა გამოწვევის წინაშე დგას.

„ფაქტობრივად, დეზინფორმაციის და ყალბი ნარატივების ეპოქაში ვცხოვრობთ. USAID-თან დაკავშირებულმა სკანდალმა და ფაქტობრივად, ყოველდღიურ რეჟიმში ახალ-ახალ სკანდალებს ვიგებთ, რომელიც დაკავშირებულია უცხოურ ჩარევასთან, დეზინფორმაციასთან და ყალბი ნარატივების მხარდაჭერასთან. ამის ფონზე, საქართველო დღეს დგას სრულიად სხვა გამოწვევის წინაშე, ვიდრე იყო თუნდაც 1 თვის წინ ან 1 წლის წინ.

ვფიქრობთ, როგორ, რა შეიძლება გაკეთდეს იმისთვის, რომ საზოგადოება დავიცვათ დეზინფორმაციებისგან, უცხოური ჩარევებისგან და სწორედ ეს რაის ერთ-ერთი მოტივაცია რატომაც  გადავწყვიტეთ „ფარას“ კანონმდებლობის და ბრიტანული სტილის მედია კანონმდებლობის გადმოტანა საქართველოში. პირველი ის, რომ ამერიკული სტანდარტით მოწესრიგდეს უცხოური ჩარევის საკითხი, რატო ამერიკული „ფარა!? შეიძლება იკითხონ, იმიტომ, რომ აშშ-ს აქვს ყველაზე ხანგრძლივი, 80 წელზე მეტი გამოცდილება ამ საკითხის რეგულირების“, - აღნიშნავს მმართველი გუნდის დეპუტატი.