ნინო წილოსანი: პარტიის აკრძალვის ძირითადი მიზეზი დემოკრატიული პრინციპების უგულებელყოფა და ექსტრემისტული იდეოლოგიის მხარდაჭერაა, გულდასაწყვეტია, რომ ევროპის რიგი სხვადასხვა პოლიტიკური დაჯგუფება „ნაცმოძრაობის“ დასაცავად გამოდის

აკრძალვის ძირითადი მიზეზი არის დემოკრატიული პრინციპების უგულებელყოფა და ექსტრემისტული იდეოლოგიის მხარდაჭერა. გულდასაწყვეტია და ყველაზე მძიმე მისაღები ის არის, რომ ევროპის რიგი პოლიტიკოსები, თუ სხვადასხვა პოლიტიკური დაჯგუფება „ნაციონალური მოძრაობის“ დასაცავად გამოდის, - განაცხადა საქართველოს პარლამენტის თავმჯდომარის მოადგილემ ნინო წილოსანმა პოლიტიკური პარტიების აკრძალვის საერთაშორისო პრაქტიკაზე საუბრისას.

წილოსანის თქმით, ევროპას პარტიების აკრძალვის საკმაოდ მდიდარი გამოცდილება აქვს.

„პარტიების აკრძალვის საკმაოდ მდიდარი გამოცდილება აქვს ევროპის ქვეყნებს - მიმდინარე პროცესები საფრანგეთსა და გერმანიაში. მათ შორის, 2023 წელს საბერძნეთმა აკრძალა პარტია დემოკრატიული პრინციპების უგულებელყოფის გამო. ამ კუთხით განსაკუთრებული ჩემპიონი უკრაინა და მოლდოვაა.

აკრძალვის ძირითადი მიზეზი არის დემოკრატიული პრინციპების უგულებელყოფა და ექსტრემისტული იდეოლოგიის მხარდაჭერა. გულდასაწყვეტია და ყველაზე მძიმე მისაღები ის არის, რომ ევროპის რიგი პოლიტიკოსები, თუ სხვადასხვა პოლიტიკური დაჯგუფება „ნაციონალური მოძრაობის“ დასაცავად გამოდიან. უსამართლო, ორმაგი სტანდარტის შემცველი თავდასხმებით, რა თქმა უნდა, უკვე „ნაციონალური მოძრაობის“ მფარველებად გვევლინებიან“, - აღნიშნა წილოსანმა.