ქადაგიშვილი: ოპოზიცია ინვესტიციით დაწყებული ვენესუელით დამთავრებული, ყველგან, ყველაფერს ეძებს, რომ ჩვენს ქვეყანას რამე ზარალი მიადგეს

საპარლამენტო უმრავლესობის წევრის ირაკლი ქადაგიშვილის განცხადებით, ოპოზიცია, ინვესტიციით დაწყებული, ვენესუელით დამთავრებული, ყველგან, „ყველაფერს ეძებს, რომ ჩვენს ქვეყანას რამე ზარალი მიადგეს“.

„ოპოზიცია, ინვესტიციით დაწყებული, ვენესუელით დამთავრებული, ყველგან, ყველაფერს ეძებს, რომ ჩვენს ქვეყანას რამე ზარალი მიადგეს. გამომდინარე აქედან, ეს უპრეცედენტო ინვესტიცია, რომელიც საქართველოში ხორციელდება, მათთვის აბსოლუტურად მიუღებელი იყო ერთი მიზეზის გამო, რომ ეს გამოიწვევდა ქვეყანაში ეკონომიკის ზრდის კიდევ უფრო სწრაფი ტემპებით განვითარებას. ეს იყო ამოსავალი წერტილი მათი ასეთი დამოკიდებულების.

ჩვენ დავინახეთ, რომ ინვესტიცია ხორციელდება, ჩვენ დავინახეთ ფასი, რომელიც უკვე გამოცხადდა - 2 000 დოლარი. დღეს, საქართველოში კარგ უბნებს რასაც ეძახიან, კარგი მშენებლობებისათვის ის ფასია, რომელიც თბილისში ჩვეულებრივ ფასად ითვლება.

აქედან გამომდინარე, ეს კიდევ ერთხელ ადასტურებს, რომ ეს არის ჩვეულებრივი საინვესტიციო პროექტი, რომელიც შეიძლება განხორციელდეს არა მარტო საქართველოში, არამედ ევროპის სხვადასხვა ქვეყნებში განხორციელდება. რა თქმა უნდა, ამ დეველოპერული პროექტის ბენეფიციარების დიდი უმრავლესობა ისევ საქართველოს მოსახლეობა იქნება“, - აღნიშნავს ქადაგიშვილი.