სამეგრელოში, 8 წლის ძმისშვილზე სექსუალური ძალადობის ბრალდებით 28 წლის ბიძა დააკავეს - დაკავებული ბრალს არ აღიარებს

სამეგრელოში 8 წლის ძმისშვილის მიმართ სექსუალური ძალადობის ბრალდებით დაკავებულის ძმა და თავად ბავშვის მამა ამბობს, მსგავს ფაქტს ადგილი არ ჰქონია და ისტორიის მოგონებაში დედას ადანაშაულებს.

ჩემს შვილს არანაირი დაზიანება არ აქვს. დაკითხვა არ მომხდარა ჩემი, უბრალოდ მითხრეს ამბავი და ვსო", - ამბობს ბავშვის მამა.

ინფორმაციას უარყოფს ასევე დაკავებულის მეორე ძმაც.

"ველოდებით ექსპერტიზას. ვიცი, რომ ჩემს ძმას ტყუილს უგონებენ",- ამბობს ძმა.

ბავშვის დედას პროვოკაციაში ადანაშაულებენ ასევე დაკავებულის სხვა ოჯახის წევრებიც და ამბობენ, რომ ქალი ადრე დედამთილს და მამამთილს ცემაში ადანაშაულებდა.

28 წლის კაცი 8 წლის ძმისშვილის მიმართ სექსუალური ძალადობის  ბრალდებით არის დაკავებული.

მეორე კლასელი გოგონა ამტკიცებს, რომ მასზე ბიძა სექსუალურად 2 წლის განმავლობაში ძალადობდა და მოზარდს გაჩუმების სანაცვლოდ  აშანტაჟებდა.

ამბავი კი მას შემდეგ გასკდა, რაც სკოლის მოსწავლემ სექსუალური ძალადობის შესახებ ყველაფერი დედას მოუყვა.

28 წლის კაცი ახლა ციხეშია. ბრალის დამტკიცების შემთხვევაში მას უვადო პატიმრობა ემუქრება .

დაკავებული კაცი ბრალს არ აღიარებს და საკუთარი სიმართლის დამტკიცებას სასამართლოში აპირებს.

ასევე დაგაინტერესებთ:

🔵ბოდბეში ქმრის მიერ სანადირო თოფით დაჭრილი ქალი დღეს დილით გარდაიცვალა

🔵"ზუგდიდში, 14 წლის ბიჭის მკვლელობაში ბრალდებულს, დაახლოებით, 1 კვირით ადრე, უსასტიკესად მოუკლავს ძაღლი, დაუნაწევრებია"