"საქართველოში „ომიკრონის“ საწინააღმდეგო Pfizer-ის ვაქცინა მარტში იქნება ხელმისაწვდომი" - ჯანდაცვის მინისტრი

ჯანდაცვის მინისტრი მწვანე პასპორტების გაუქმებასთან დაკავშირებით ირაკლი ღარიბაშვილის განცხადებას გამოეხმაურა, რომელიც პრემიერმა მთავრობის სხდომამდე გააკეთა.

ზურაბ აზარაშვილის თქმით, საუბარი პრემიერის ანტივაქსერობაზე არასწორია.

მან აღნიშნა, რომ მარტში საქართველოში Pfizer-ის ახალი ვაქცინა შემოვა, რომელიც „ომიკრონზე“ იქნება გათვლილი.

„საუბარი იმაზე არის თუ არა პრემიერ-მინისტრი ანტივაქსერი, ვფიქრობ, არასწორია.

მე ზუსტად გავიგე რაც იგულისხმა.

ჩვენ გვაქვს ისეთი ვაქცინები, რომლებიც „ომიკრონის“ შემთხვევაში გადადების რისკს ნაკლებად აზღვევს.

მან თქვა ის, რომ ინფიცირება ძალიან მსუბუქად გადაიტანა, რადგან ორჯერ ვაქცინირებული იყო.

„ომიკრონთან“ დაკავშირებით, როგორც იცით Pfizer-მა უკვე შექმნა ახალი ვაქცინა, რომელიც კონკრეტულად „ომიკრონზე“ მუშაობს და ეს ახალი ვაქცინა მარტში გვექნება“, - განაცხადა აზარაშვილმა.

ცნობისთვის, პრემიერმა დღევანდელ მთავრობის სხდომაზე განაცხადა:

„ევროპული ქვეყნების გამოცდილებისა და ბოლო ტენდენციების გათვალისწინებით, ე.წ მწვანე პასპორტების ფუნქციონირება მიზანშეწონილად აღარ ჩავთვალეთ - მეორე მხრივ, რა თქმა უნდა, ვაქცინაციის წამახალისებელ კამპანიებს ვაგრძელებთ“, - განაცხადა ირაკლი ღარიბაშვილმა.

სხვა სიახლეები:

🔵 ფინანსთა მინისტრი ფოთში ევაკუატორების მძღოლების აქციასთან დაკავშირებით განმარტებას აკეთებს

🔵 საბერძნეთის მთავრობა კორონავირუსის საწინააღმდეგო რეგულაციების შემსუბუქების საკითხს განიხილავს

🔵 მიხეილ სააკაშვილი: ოჯახის წევრებთან პაემნები კვირაში ერთხელ აღარ, თვეში ერთხელ მექნება