სირცხვილიამ ირაკლი ღარიბაშვილს ქუთაისი-კიევის ბილეთი უყიდა

სამოქალაქო მოძრაობა „სირცხვილია“-მ საქართველოს პრემიერმინისტრს, ირაკლი ღარიბაშვილს ქუთაისი - კიევის მიმართულებით ბილეთი უყიდა. ამის შესახებ ინფორმაცია მოძრაობის ფეისბუკგვერდზე გამოქვეყნდა.

„საქართველოს პრემიერ-მინისტრს, ირაკლი ღარიბაშვილს,

ბატონო ირაკლი,

სამოქალაქო მოძრაობა “სირცხვილია” დარწმუნებულია, რომ თქვენ მიერ უკრაინაში ვიზიტისგან თავშეკავების არაერთი სერიოზული მიზეზი არსებობს, მაგალითად: საქართველოში არსებული ეკონომიკური სიდუხჭირე, მთა

ვრობის ხარჯების შემცირების პოლიტიკა 2022 წლისთვის და რაც მთავარია, თქვენი ჯანმრთელობის მდგომარეობა კოვიდინფიცირების ფონზე.

ვითვალისწინებთ რა ზემოთ ჩამოთვლილ გარემოებებს, სამოქალაქო მოძრაობა “სირცხვილია” -მ მიიღო გადაწყვეტილება, ორგანიზაციული სახსრებით დააფინანსოს თქვენი მგზავრობა ქუთაისი - კიევის მიმართულებით. თქვენი 5-დღიანი იზოლაციისა და შემდგომი კოვიდ - რეაბილიტაციის ვადების გათვალისწინებით, ქუთაისი - კიევის მიმართულებით შესყიდული იქნა 2022 წლის 10 თებერვლის ავიაბილეთი.

შეგახსენებთ, რომ ქუთაისის აეროპორტში ჩასხდომის დროა 16:05 საათი, ტრანზიტი ლატვიაში (რიგის საერთაშორისო აეროპორტი) - 18:10 საათი, ხოლო ჩაფრენა დანიშნულების ადგილას - 01:05 საათი.

გამგზავრებისთვის დაგჭირდებათ Covid-19 სერტიფიკატი (მწვანე პასპორტი) ან ბოლო 72 საათის განმავლობაში ჩატარებული PCR ტესტის უარყოფითი პასუხი.

ბილეთის ელექტრონული ვერსია გამოგზავნილია თქვენს პირად ელექტრონულ მისამართზე. საჭიროების შემთხვევაში, ორგანიზაცია მზად არის პირადად გადმოგცეთ ბილეთი“, - წერია „სირცხვილიას“ ფეისბუკგვერდზე.

ასევე საინტერესოა:

🔵 საქართველოს პრეზიდენტი: ემანუელ მაკრონი გაბედულ დიპლომატიურ ქმედებებს ატარებს, რათა უკრაინის მიმართ აგრესიის თავიდან აცილება მოხდეს და დაიწყოს დეესკალაცია

🔵 “იტალიელმა მითხრა, რომ ქართველის გარდა სხვა ეროვნების “ბადანტე” არასდროს ეყოლება” - ემიგრანტი იტალიიდან

🔵 აზერბაიჯანს საქართველოსგან განჯის ჭიშკრის დაბრუნება სურს