თეა წულუკიანმა გაგა ჩხეიძე კინოცენტრის დირექტორის თანამდებობიდან გაათავისუფლა, აუდიტის დასკვნა კი პროკურატურას გადაუგზავნა

კინოცენტრის დირექტორი თანამდებობიდან გათავისუფლდა და მისი საქმიანობის შესახებ აუდიტის დასკვნა პროკურატურას გადაეგზავნა, - ამის შესახებ ინფორმაციას სქართველოს კულტურის სამინისტრო ავრცელებს.

საქართველოს კულტურის, სპორტისა და ახალგაზრდობის სამინისტროს შიდა აუდიტის დეპარტამენტის მიერ ჩატარებული შესაბამისობისა და ფინანსური აუდიტი 2019 წლის 1 იანვრიდან 2020 წლის 31 დეკემბრის ჩათვლით პერიოდს მოიცავს.

უწყების ცნობით, აუდიტორული შემოწმების შედეგად გამოვლინდა კინოცენტრის მიერ ფინანსური რესურსის კანონმდებლობასთან შეუსაბამოდ ხარჯვის ფაქტები, კინოცენტრში არსებული ფინანსური მართვის სისტემის სერიოზული ხარვეზები, შესყიდვების შესახებ საქართველოს კანონმდებლობის დარღვევის სისტემატური ხასიათი, სავარაუდო ნეპოტიზმის ფაქტები, კონტროლის სისტემის არარსებობა და სხვა.

„ზემოაღნიშნული გარემოებებიდან გამომდინარე, საქართველოს კულტურის, სპორტისა და ახალგაზრდობის სამინისტროს სსიპ „კინემატოგრაფიის ეროვნული ცენტრის“ დირექტორი, გაგა ჩხეიძე დაკავებული თანამდებობიდან გათავისუფლდა, მისი საქმიანობის შემსწავლელი აუდიტის დასკვნა კი შემდგომი რეაგირებისთვის საქართველოს პროკურატურას გადაეგზავნა. ამასთან, აუდიტის დეპარტამენტი ახორციელებს სამსახურებრივ შემოწმებას დასკვნაში მითითებულ არაერთ გარემოებასთან დაკავშირებით.

გარდამავალი პერიოდის განმავლობაში, ახალი ხელმძღვანელის შერჩევამდე, კინოცენტრის დირექტორის უფლებამოსილებებს კულტურის მინისტრის პირველი მოადგილე, კარლო სიხარულიძე განახორციელებს.“, - წერია სამინისტროს მიერ გავრცელებულ განცხადებაში.

ასევე საინტერესოა:

🔵  გიორგი წეროძე: „ტიპი გადაკეთებული მოსინით, ჟანგიანი მაკაროვით და პნევმატური თოფით იმუქრება“ - ვის ემუქრება „ალტ-ინფოს“ ლიდერი?

🔵 თქვენი არ ვიცი და მე ყველაფერზე მეტირება… ამ კაცის სამუშაო ოთახში გაშლილ საწოლზეც კი - რას წერს ჟურნალისტი თეონა ცხომელიძე?

🔵 „ამ ბრძოლის შორიდან ყურება არ შემეძლო, ამიტომაც აქ ვარ, უკრაინაში“ - ალეკო ელისაშვილი უკრაინაში ჩავიდა