ზაზა შათირიშვილი: „დიფ სთეითმა“ ჩამოანგრია ევროკავშირი აგენტ-პოლიტიკოსთა ხელით, შემდეგ გამოკითხვა ჩაატარა, ხალხის უკმაყოფილება გაზომა და თავადვე, საკუთარ დანგრეულზე გვიყვება, თუ როგორი ცუდია ეს ყველაფერი

„პირველ რიგში, ამ წერილის ავტორმაც და მკითხველებმაც კიდევ ერთხელ უნდა დავუდასტუროთ ერთმანეთს მარტივი ჭეშმარიტება, რომ ევროკავშირში, „დიპ სთეითის“, იგივე არაფორმალური ოლიგარქიული ოჯახების მიერ ტოტალურად გაკონტროლებული მედიისა და კვლევითი ორგანიზაციების პირობებში შემთხვევით არაფერი ხდება. არც ახალ და არც Ipsos - ის ბოლო კვლევაში შემთხვევითი არც ერთი გრაფა და არც ერთი რიცხვი არ არის. ყველა გამოქვეყნებული მონაცემის უკან „დიფ სთეითის“ ინტერესი დგას“, - წერს ფილოსოფოსი ზაზა შათირიშვილი სოციალურ ქსელში გამოქვეყნებულ მორიგ წერილში.

მისი განცხადებით, ბოლო პერიოდში, ოლიგარქიული მმართველობა მის მონურ მორჩილებაში მყოფი ევროპული პოლიტიკური კლასის დისკრედიტაციას აქტიურად ეწევა და ყველა შესაძლო მეთოდით ცდილობს დაამტკიცოს ევროპული პოლიტიკის უუნარობა, მათ შორის - საზოგადოებრივი აზრის კვლევებითაც.

„ფაქტია, რომ ოლიგარქიული მმართველობა ბოლო პერიოდში აქტიურად ეწევა მისივე მონურ მორჩილებაში მყოფი ევროპული პოლიტიკური კლასის დისკრედიტაციას. „დიფ სთეითი“ ევრობიუროკრატიის და ზოგადად, ევროპაში პოლიტიკის უუნარობის დამტკიცებას ყველა შესაძლო მეთოდით ცდილობს, იქნება ეს კვლევები, აშშ-ს ლიდერების მხრიდან დამამცირებელი განცხადებები, უშუალოდ ევროპელი პოლიტიკოსების არააადეკვატური, შეუსაბამო და დამაზიანებელი ნაბიჯები თუ კრიზისების წინა პლანზე წამოწევა ცალკეულ ქვეყნებში...“, - აღნიშნავს შათირიშვილი.

მისივე თქმით, სახეზეა პარადოქსალური მოცემულობა, როდესაც ოლიგარქიული მმართველობის დავალებით აგენტურული ბიუროკრატია სრულად ანგრევდა ევროკავშირს, დღეს საკუთარ დანგრეულზე, კვლევის შედეგების საფუძველზე გვიყვება, თუ როგორი ცუდია ეს ყველაფერი.

„შესაბამისად, გვაქვს ერთი შეხედვით პარადოქსალური მოცემულობა - როდესაც წლების მანძილზე სწორედ არაფორმალური ოლიგარქიული ოჯახების დავალებით, აგენტურული პოლიტიკური ბიუროკრატია სრულად ანგრევდა ევროკავშირს, მისი სტაბილურობისა და უსაფრთხოების არქიტექტურას, დღეს ტოტალურად გაკონტროლებული მედიით და მათი შეკვეთით დაწერილი კვლევებით გვეუბნებიან, რომ თურმე ხალხი უკმაყოფილოა, თურმე პოლიტიკურმა კლასმა ვერ გაამართლა და არსებული სისტემა ვერ უზრუნველყოფს საზოგადოებრივი საჭიროებების უზრუნველყოფას. კიდევ უფრო რომ გავამარტივოთ - „დიფ სთეითმა“ ჩამოანგრია ევროკავშირი აგენტ-პოლიტიკოსთა ხელით, შემდეგ გამოკითხვა ჩაატარა, ხალხის უკმაყოფილება გაზომა და თავადვე, საკუთარ დანგრეულზე გვიყვება, თუ როგორი ცუდია ეს ყველაფერი,“ - წერს ზაზა შათირიშვილი.