ზელენსკი: მეშვიდე დღეს დაანგრიეს ჩვენი წმინდა სალოცავები. მარიუპოლში მეცამეტე დღეს, ბავშვი გაუწყლოების შედეგად გარდაიცვალა - ბოლომდე ვიბრძოლებთ

უკრაინის პრეზიდენტმა ვოლოდიმირ ზელენსკი ინგლისის პარლამენტში, თემთა პალატას მიმართა და მის ქვეყანაში, ომის მიერ გამოწვეულ ტრაგედიაზე ისაუბრა.

"პირველ დღეს მთელმა უკრაინამ სარაკეტო თავდასხმის ხმაურში გაიღვიძა და მას შემდეგ არ სძინავს.

ვიბრძვით ხმელეთსა და ზღვაზე.

საბოლოოდ მთელმა მსოფლიომ დაინახა, ვინ არიან დიდი ადამიანები და ვინ უბრალოდ ცხოველები.

შემოჭრიდან მეხუთე დღეს აშკარა ტერორი იყო სახეზე, ქალაქებზე, სკოლებზე, საავადმყოფოებზე ბომბით მიიტანეს იერიში.

ნაცისტებმა ათასობით ადამიანი მოკლეს.

მეშვიდე დღეს დაანგრიეს ჩვენი წმინდა სალოცავები.

მერვე დღეს მთელმა მსოფლიო დაინახა, რომ რუსული ტანკები ესროდნენ ატომურ ელექტროსადგურს, ეს იყო ყველაზე დიდი ტერორი კაცობრიობის წინააღმდეგ.

რუსეთის შეიარაღებული ძალების მიერ დაბლოკილ მარიუპოლში მეცამეტე დღეს, ბავშვი გაუწყლოების შედეგად გარდაიცვალა.

ისინი არ უშვებენ ხალხს, არ აძლევენ წყლის ან საკვების მიტანის საშუალებას.

ჩვენ ბოლომდე ვიბრძოლებთ.

ვიბრძოლებთ ოკეანესა და ზღვებზე, ვიბრძოლებთ მთელი თავდაჯერებულობითა და ძალით.

ჩვენ დავიცავთ ჩვენს მიწას.

ჩვენ არ დავთმობთ ჩვენ მიწას", - განაცხადა ზელენსკიმ.

ზელენსკიმ გაერთიანებული სამეფოს პრემიერ-მინისტრს ბორის ჯონსონს მხარდაჭერისთვის მადლობა გადაუხადა.

"განსაკუთრებულ მადლობას ვუხდი ბორის, მადლობა ჩემო მეგობარო", - აღნიშნა ზელენსკიმ.

სხვა სიახლეები: 

⬛ "ჩვენ ვუერთდებით მთელ მსოფლიოს აგრესიისა და ძალადობის დაგმობაში" - რუსეთში საქმიანობას "მაკდონალდსი" აჩერებს

⬛ რუსი სასულიერო პირები, უკრაინაში საომარი მოქმედებების შეწყვეტის მოთხოვნით ხელმოწერებს აგროვებენ

⬛ პოლონელი დედები, უკრაინელი დედებისთვის, საზღვართან საბავშვო ეტლებს ტოვებენ

⬛ ჯო ბაიდენი: უკრაინა ვერასოდეს გახდება პუტინის გამარჯვება