“ქართული ფესვები" - ფლორენციაში მცხოვრებმა ქართველმა ემიგრანტმა ყოველთვიური გაზეთი დააფუძნა

“ქართული ფესვები" - ფლორენციაში მცხოვრებმა ქართველმა ემიგრანტმა, ნინო სიბოშვილმა,  ყოველთვიური გაზეთი დააფუძნა.

სიახლის შესახებ ემიგრანტი სოციალურ ქსელში წერს და ამბობს, რომ მისთვის გაზეთის დაფუძნება ძალიან ემოციური და სიცოცხლის დაბადების ტოლფასია.

"… ვიცი, ნამდვილად ვიცი ყველას გაგახარებთ ეს სიახლე და ეს შენაძენი…

…დავაფუძნე ყოველთვიური გაზეთი “ქართული ფესვები”

…გაზეთმა იდეს დაბადებიდანვე მიიღო ფლორენციის წმ. ნინოს სახელობის ტაძრის წინამძღვრის მამა ანდრიას ლოცვა-კურთხევა რისთვისაც დიდ მადლობას ვუხდი ამ დიდი საქმის დალოცვისა და გვერდში დგომისთვის 

… გაზეთი სულ არის 16 გვერდიანი. აქედან 4 გვერდი იტალიურენოვანია. 

… ეს ჩვენი ემიგრანტების გაზეთია

… კულტურა, ხელოვნება, შემეცნება, მილოცვები, კულინარია, პოეზია, წერილები და სხვადასხვა საინტერესო თემები. 

…. ეს ჩემთვის ძალიან ემოციურია… ეს ჩემთვის სიცოცხლის დაბადების ტოლფასია… 

 …. ეს პირველი ხმამაღალი პოსტია ჩემს გაზეთთან დაკავშირებით… ახლა დასრულდა მისი დაბეჭვდა… და შესაბამისად ასე აფორიაქებული გიზიარებთ ჩემს სიხარულს… რადგან ეს თქვენთვის , ყველასთვის განკუთვნილი საგანძურია….

  🗞️ძალიან მალე , რამოდენიმე დღეში ჩატარდება პრეზენტაცია და იქნება გაყიდვაშიც. …

🗞️ყველას შეუძლია იყოს ამ გაზეთის რესპონდენტი…  მოგვწერეთ: qartuliphesvebi@gmail.com  🗞️ წარმატება ვუსურვოთ “ქართულ ფესვებს”" - წერს ფლორენციაში მცხოვრები ემიგრანტი, ნინო სიბოშვილი.

მედია მაუწყებელი "ექსკლუზივიტივი" წარმატებებს უსურვებს ნინო სიბოშვილს და გაზეთ "ქართულ ფესვებს".